யுஎஸ் ஓபன் டென்னிஸ் தொடர்: 3-வது சுற்றில் அல்கராஸ், சபலென்கா

யுஎஸ் ஓபன் டென்னிஸ் தொடர்: 3-வது சுற்றில் அல்கராஸ், சபலென்கா

நியூயார்க்: ​

யுஎஸ் ஓபன் டென்​னிஸ் தொடரில் ஸ்பெ​யினின் கார்​லோஸ் அல்​க​ராஸ், செர்​பி​யா​வின் நோவக் ஜோகோ​விச், பெலாரஸின் அரினாசபலென்கா உள்​ளிட்​டோர் 3-வதுசுற்​றுக்கு முன்​னேறினர்.


நியூ​யார்க் நகரில் நடை​பெற்று வரும் இந்​தத் தொடரில் நேற்று முன்​தினம் இரவு நடை​பெற்ற ஆடவர் ஒற்​றையர் பிரிவு 2-வது சுற்​றில் 2-ம் நிலை வீர​ரான ஸ்பெ​யினின் கார்​லோஸ் அல்​க​ராஸ், 65-ம் நிலை வீர​ரான இத்​தாலி​யின் மட்​டியா பெல்​லுசி​யுடன் மோதி​னார். இதில் கார்​லோஸ் அல்​க​ராஸ் 6-1, 6-0, 6-3 என்ற நேர் செட் கணக்​கில் எளி​தாக வெற்றி பெற்று 3-வது சுற்​றுக்கு முன்​னேறி​னார். 7-ம் நிலை வீரரும் 4 முறை சாம்​பியனு​மான செர்​பி​யா​வின் நோவக் ஜோகோ​விச் 6-7 (5-7), 6-3, 6-3, 6-1 என்ற செட் கணக்​கில் 145-ம் நிலை வீர​ரான அமெரிக்​கா​வின் சக்​கரி ஸ்வஜ்​தாவை வீழ்த்தி 3-வது சுற்​றில் நுழைந்​தார்.


5-ம் நிலை வீர​ரான கிரேட் பிரிட்​டனின் ஜேக் டிராப்​பர் தனது 2-வது சுற்​றில் 48-ம் நிலை வீர​ரான பெல்​ஜி​யத்​தின் ஜிஸோ பெர்க்​ஸுடன் மோது​வ​தாக இருந்​தது. ஆனால் இடது கையில் ஏற்​பட்ட காயம் காரண​மாக ஜேக் டிராப்​பர் போட்​டி​யில் இருந்து வில​கி​னார். இதனால் ஜிஸோ பெர்க்ஸ் வெற்றி பெற்​ற​தாக அறிவிக்​கப்​பட்​டது. 107-ம் நிலை வீர​ரான பெல்​ஜி​யத்​தின் ரபேல் கொலிகன் 6-4, 3-6, 3-6, 6-4, 7-5 என்ற செட் கணக்​கில் 12-ம் நிலை வீர​ரான நார்​வே​யின் காஸ்​பர் ரூடை வீழ்த்தி 3-வது சுற்​றுக்கு முன்​னேறி​னார்.


4-ம் நிலை வீர​ரான அமெரிக்​கா​வின் டெய்​லர் ஃபிரிட்ஸ் 4-6, 7-6 (7-3), 6-2, 6-4 என்ற செட் கணக்​கில் தென் ஆப்​பிரிக்​கா​வின் லாய்டு ஹாரிஸை​யும், 6-ம் நிலை வீர​ரான அமெரிக்​கா​வின் பென் ஷெல்​டன் 6-4, 6-2, 6-4 என்ற செட் கணக்​கில் ஸ்பெ​யினின் பேப்லோ கரேனோ பஸ்​டாவை​யும் வீழ்த்​தினர். மகளிர் ஒற்​றையர் பிரிவு 2-வது சுற்​றில் முதல் நிலை வீராங்​க​னை​யும் நடப்பு சாம்​பியனு​மான பெலாரஸின் அரினா சபலென்கா 7-6 (7-4), 6-2 என்ற நேர் செட் கணக்​கில் 67-ம் நிலை வீராங்​க​னை​யான ரஷ்​யா​வின் போலினா குடெர்​மெடோ​வாவை வீழ்த்தி 3-வது சுற்​றுக்கு முன்​னேறி​னார். 5-ம் நிலை வீராங்​க​னை​யான ரஷ்​யா​வின் மிர்ரா ஆண்ட்​ரீவா 6-1, 6-3 என்ற நேர் செட் கணக்​கில் சகநாட்​டைச் சேர்ந்த அனஸ்​டசியா போஸ்​ட​போ​வாவை​யும், 9-ம் நிலை வீராங்​க​னை​யான கஜகஸ்​தானின் எலெனா ரைபகினா 6-3, 7-6 (9-7) என்ற செட் கணக்​கில் செக் குடியரசின் தெரேசா வாலண்​டோ​வாவை​யும் வீழ்த்தி 3-வது சுற்​றில் நுழைந்​தனர்.


4-ம் நிலை வீராங்​க​னை​யான அமெரிக்​கா​வின் ஜெசிகா பெகுலா 6-1, 6-3 என்ற செட் கணக்​கில் ரஷ்​யா​வின் அனா பிளின்​கோ​வாவை​யும், 7-ம் நிலை வீராங்​க​னை​யான இத்​தாலி​யின் ஜாஸ்​மின் பவுலினி 6-3, 6-3 என்ற செட் கணக்​கில் அமெரிக்​கா​வின் இவா ஜோவிக்​கை​யும், 10-ம் நிலை வீராங்​க​னை​யான அமெரிக்​கா​வின் எம்மா நவர்ரோ 6-2, 6-1 என்ற செட் கணக்​கில் சகநாட்​டைச் சேர்ந்த கேட்டி மெக்​நல்​லியை​யும் வீழ்த்​தினர்.

Related News

Follow US

TODAY'S POLL

vote-image

தேசிய ஓய்வூதிய முறையின் கீழ் கிடைக்கும் 'வரி சலுகைகள்' ஒருங்கிணைந்த ஓய்வூதிய திட்டத்திற்கும் பொருந்தும். இது ஒருங்கிணைந்த ஓய்வூதியத் திட்டத்தைத் தேர்வுசெய்ய ஊழியர்களை ஊக்குவிக்குமா?

50%
50%