நடிகர் அல்லு அர்ஜுன் இயக்குநர் லோகேஷ் கனகராஜின் படத்தின் அறிமுக படப்பிடிப்பு குறித்து தகவல் வெளியாகியுள்ளது. இயக்குநர் லோகேஷ் கனகராஜ் கூலி திரைப்படத்தைத் தொடர்ந்து நடிகர் அல்லு அர்ஜுனை வைத்து புதிய படம் எடுப்பதற்கான பணிகளை மேற்கொண்டு வருகிறார். இப்படத்தின் அறிவிப்பு விடியோ வெளியாகி கவனத்தைப் பெற்றது. அனிருத் இசையமைத்த பின்னணி இசையும் வைரலானது. தற்போது, அல்லு அர்ஜுனின் இந்த 23-வது திரைப்படத்தின் மாதிரி படப்பிடிப்பும் (test shoot) அறிவிப்பிற்கான படப்பிடிப்பும் நாளை (ஜூன் 26) மும்பையில் பிரம்மாண்டமாக நடைபெறவுள்ளதாகத் தகவல்கள் தெரிவிக்கின்றன. லோகேஷ் கனகராஜ் நாயகனாக நடித்த டிசி திரைப்படம் விரைவில் திரையரங்குகளில் வெளியாகவுள்ளது குறிப்பிடத்தக்கது. பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.