அமெரிக்​கர்​களுக்கு பயிற்சி அளித்துவிட்டு நாடு திரும்பலாம்: எச்1பி விசா குறித்து அமெரிக்க அமைச்​சர் விளக்​கம்

வாஷிங்​டன்: எச்1பி விசா​வில் அமெரிக்கா​வுக்கு வரும் வெளி​நாட்டு நிபுணர்​கள் மூலம் அமெரிக்கர்களுக்கு சிறப்பு பயிற்சி அளிக்​கப்​படும். இதன்​பின் எச்1பி விசா​தா​ரர்​கள் அவர​வர் நாடு​களுக்கு திருப்பி அனுப்​பப்​படு​வார்​கள் என்று அமெரிக்க நிதி​யமைச்​சர் ஸ்காட் பெசன்ட் தெரி​வித்​துள்​ளார்.

அமெரிக்​கா​வில் தற்​காலிக​மாக பணி​யாற்​று​வோருக்கு எச்​1பி விசா வழங்​கப்​படு​கிறது. இதற்​கான கட்​ட​ணத்தை ரூ.1.32 லட்​சத்​தில் இருந்து ரூ.88 லட்​ச​மாக அமெரிக்க அரசு அண்​மை​யில் உயர்த்​தி​யது. இதன் மூலம் அமெரிக்க நிறு​வனங்​களில் வெளி​நாட்டு நிபுணர்​கள் பணி​யில் சேரு​வதை தடுக்க மறை​முக​மாக முயற்சி மேற்​கொள்​ளப்​பட்டு உள்​ளது. சமீபத்​திய புள்​ளி​விவரத்​தின்​படி எச்1பி விசா பெறு​வோரில் சுமார் 75% பேர் இந்​தி​யர்​கள் ஆவர்.

இந்த சூழலில் எச்1பி விசா விவ​காரத்​தில் அமெரிக்க அதிபர் டொனால்டு ட்ரம்ப் திடீரென தனது கொள்​கையை மாற்றி உள்​ளார். தனி​யார் தொலைக்​காட்​சிக்கு அவர் அண்​மை​யில் அளித்த பேட்​டி​யில், “அமெரிக்​கர்​களுக்கு வேலை வழங்​கவே முன்​னுரிமை அளிக்​கிறேன். ஆனால் சிக்​கலான மற்​றும் உயர் தொழில்​நுட்ப பணி​களுக்கு தேவை​யான திறமை​யான நிபுணர்​கள் அமெரிக்​கா​வில் இல்​லை. எனவே உலகம் முழு​வதும் இருந்து திறமை​யாளர்​களை அமெரிக்கா​வுக்கு அழைத்து வரு​வது அவசி​யம்” என்று தெரி​வித்​தார்.

இதுதொடர்​பாக அமெரிக்க நிதி​யமைச்​சர் ஸ்காட் பெசன்ட் தனி​யார் தொலைக்​காட்​சிக்கு அளித்த பேட்​டி​யில் கூறி​யிருப்​ப​தாவது: எச்1பி விசா​வில் வெளி​நாட்டு நிபுணர்​களை அமெரிக்கா​வுக்கு வரவழைப்​பது அவசி​யம் என்று அதிபர் ட்ரம்ப் கூறி​யிருப்​ப​தில் ஆயிரம் அர்த்​தம் இருக்​கிறது. அதிபர் ட்ரம்​பின் தொலைநோக்கு திட்​டத்தை விவரிக்க கடமைப்​பட்டு உள்​ளேன்.

எச்1பி விசா​வில் வெளி​நாட்டு நிபுணர்​கள் அமெரிக்கா​வுக்கு அழைத்து வரப்​படு​வார்​கள். அவர்​கள் 3 ஆண்​டு​கள் முதல் 7 ஆண்​டு​கள் வரை அமெரிக்​கா​வில் தங்​கி​யிருந்து அமெரிக்க மக்​களுக்கு சிறப்பு திறன்​சார் பயிற்​சிகளை வழங்​கு​வார்​கள். இதன்​பிறகு வெளி​நாட்டு நிபுணர்​கள் அவர​வர் சொந்த நாடு​களுக்கு திருப்பிஅனுப்​பப்​படு​வார்​கள். சிறப்பு திறன்​சார் பயிற்சி பெற்ற அமெரிக்​கர்​கள், அமெரிக்​கா​வின் வளர்ச்​சிக்கு உறு​துணை​யாக இருப்​பார்​கள்.

செமி கண்​டக்​டர்​கள் துறை​யில் அமெரிக்கா முன்​னேற வேண்​டும். அதற்கு வெளி​நாட்டு நிபுணர்​களின் தொழில்​ திறன் தேவைப்​படு​கிறது. கப்​பல் கட்​டு​மானத்​தில் மிக நீண்ட கால​மாக அமெரிக்கா ஈடு​பட​வில்​லை. இந்​தத் துறை​யிலும் வெளி​நாட்டு நிபுணர்​களின் பங்​களிப்பு தேவைப்​படு​கிறது. இதுதொடர்​பான முக்​கிய​மான துறை​களில் அமெரிக்க மக்​களுக்கு வெளி​நாட்டு நிபுணர்​கள் சிறப்பு பயிற்சி அளிப்​பார்​கள். இவ்​வாறு அமெரிக்க நிதி​யமைச்​சர்​ ஸ்காட்​ பெசன்​ட் தெரிவித்துள்ளார்.