கனவு காண்

" தமிழ் என்னும் பேச்சு அதுவே

உயிர் மூச்சு தாய்மொழியே வாசம்

மற்றவையெல்லாம் வேஷம் துடிப்பு

நாடித்துடிப்பு தமிழ்மொழியே பிடிப்பு 

" வீர விளையாட்டும் மண்வாசனையும்

உச்சம் தொட நெறி வாழ்க்கை மலர

நாணயம் நேர்மை தூய்மை தழைத்திட

கனவு காண் இளைய சமுதாயமே "

" முதியோர் இல்லம் இல்லா தேசம் மாற்றுத்திறனாளி நேசம் அனாதை பாதுகாப்பு பெண்கள் நாட்டின் கண்கள் என்று

எழுச்சி கனவு காண் எதிர்காலமே " 

" விரல் நுனியில் உலகம் கைபேசியில்

என்றாலும் உழைப்பை இயல்பை உறுதியை

நகைச்சுவையை நம்பிக்கையை

வளர்க்க கனவு காண் தலைமுறையே "

" பழமொழி பண்பாடு நாகரிகம் மேம்பட

விருந்தோம்பல் மனிதநேயம் நட்பு ஈர்ப்பு 

மென்மை காதல் முதுமை அனுபவம்

அசை போட கனவு காண் இளைஞர்களே "

" உழவும் பசுமையும் உயர்ந்திட அழகு

நாடக கிராமிய கலை சிறந்திட

மண்வாசனையை நுகர்ந்திட இன்றே

கனவு காண் புதுமை விரும்பிகளே''

" நீர் நிலைகளை பாதுகாத்து உடன்

மாசில்லா காற்றை சுவாசிக்க  

உணவே மருந்து என ஆயுள் கூட்டிட உழைப்பு

மூல விதையை விதைக்க கனவு காண் "

" வீரம் வேகம் விவேகம் வழிகாட்ட

அழுத்தமாக பாதம் பதித்து விடு

கனவு காண் என்று சோம்பி விடாமல்

 முயற்சி பயற்சி எழுச்சியென முற்படு " 

- சீர்காழி .ஆர்.சீதாராமன் .