Breaking News:
(1)
வாயில் வலைபின்னுகிறது/சிலந்தி/
தேர்தல் வாக்குறுதி!
** ** ** **
(2)
இருண்டு கிடக்கிறது/
கண்ணாடித் தொட்டிக்குள்/
வண்ணமீன்களின் வாழ்க்கை!
** ** ** **
(3)
நடைபாதை வறியவனின் யாசகக்குரல்/
போட்டுச் செல்கிறேன்/
கண்களுக்குக் கடிவாளம்!
** ** ** ** (4)
மிரட்டலான பின்னணியிசை/
மயிர்க் கூச்செரிகிறது/
காதருகே ரீங்கரிக்கும் கொசு
** ** ** ** (5)
கூடுவிட்டுக் கூடுபாயும் மந்திரவாதி/
திகைத்து நிற்கிறார்/ கூட்டணிவிட்டுக் கூட்டணிபாயும் அரசியல்வாதி!
** ** ** *** (6)
வண்ணமயமாக்குகிறது வாழ்க்கையை/ கருப்பு வெள்ளை/
கரும்பலகை எழுத்துக்கள்!
**. **. **. ***
(7)
காரிருள் திரைச்சீலை/
கிழிசல்வழி எட்டிப்பார்க்கும் கடல்/
வெள்ளலைகள்
*** *** ****
சு.அருண் பிரகாஷ். இராமச்சந்திரபுரம்