Breaking News:
உழைப்பின் பெருமை
உழைத்திட்டால் நன்மை
சோம்பலை விடுத்து
சோர்வை அகற்று
தொழிலில் அக்கறை
தொடர்ந்திட தெரியும் கரை
ஈடுபாடுடன் பணியாற்று
ஈரமாகட்டும் மேனியது
ஊக்கத்துடன் செயலாற்றி உன்னதத்தால் உயர்ந்திடு
உழைப்பு
உனதாகிட
எதுவும் எளிதாகும்
தன்னம்பிக்கை உன்னுள் எந்நாளும் இருந்திடட்டும்
வாழ்வும் வளமாகிட
வசந்தம் தேடிவரும்
இளமையில் பாடுபடு
ஓய்வெடுப்பாய் முதுமையிலே
கருத்தாய் உழைத்திடு
எண்ணமது நிறைவேறும்
*வியர்வையில் விளைந்த வியனுலகம்*
எத்தொழிலும் இழிவில்லை உணர்ந்தே வாழ்ந்திடு
வியர்வைத் துளிகள் வெற்றியின் இரகசியமே
உணர்ந்தால் ஆனந்தம் உண்டாகிடும் உனக்குள்ளே
உலகமும் வியக்கும்
உண்மையாய் நேசிக்கும்
வேலையே வேதமாகும்
வேறொன்றும் இதற்கு ஈடில்லையே
-பெ.வெங்கட லட்சுமி காந்தன் விருதுநகர்