Breaking News:
அன்பான சொந்தங்கள் கூடியிருத்தல் மகிழ்ச்சி
ஆகாயவிமானமதில் பயணம் செய்ய மகிழ்ச்சி
நோய்நொடிகள் அண்டாமல் வாழ்வதுதான் மகிழ்ச்சி
படிப்பிற்கேற்ற உத்தியோகம் உள்ளம் நிறை மகிழ்ச்சி
பட்டுமெத்தை பாயானாலும் நிறை நித்திரை மகிழ்ச்சி
உதவும் குணம் உடனிருக்க உன்னத மகிழ்ச்சி
துன்பத்திலும் இன்பம்காணும் இயல்பு அது மகிழ்ச்சி
துவண்டு போகா மனந்தன்னை பெறுவதுவே மகிழ்ச்சி
சுற்றம் சூழ வாழ்வதுதான் மட்டற்ற மகிழ்ச்சி
இல்லார்க்கு கொடுத்துதவும் எண்ணமது மகிழ்ச்சி
அன்பான வாழ்க்கைத் துணை அன்றாடம் மகிழ்ச்சி
அறிவான பிள்ளைச்செல்வம் பெருமைகொள் மகிழ்ச்சி
முதுமையிலும் நடக்கும்திறன் மிகப்பெரிய மகிழ்ச்சி
முதியோர் இல்லம் செல்லாமல் இருப்பதுவே மகிழ்ச்சி
உண்மையை உரக்கச் சொல்லும் தைரியமே மகிழ்ச்சி
பொய்யான விவகாரம் தவிர்ப்பதுவே மகிழ்ச்சி
ஏழையின் சிரிப்பில் இறைவன் தெரிவது எந்நாளும் மகிழ்ச்சி
-வி பிரபாவதி
மடிப்பாக்கம்