உலகக் கோப்பை ஹாக்கி: வங்கதேசம் 17 வது இடம்

மதுரை எம்.ஜி.ஆர் விளையாட்டு மைதானத்தில் நடைபெற்ற ஜூனியர் உலகக்கோப்பை ஹாக்கி போட்டியில் 17 வது இடத்தை வங்கதேசம் பெற்றது.

14-வது ஆடவருக்கான ஜூனியர் ஹாக்கி உலகக் கோப்பை தொடர், சென்னை மற்றும் மதுரையில் நடைபெற்று வருகிறது. இதில் பதினேழாவது இடத்திற்கான ஆட்டத்தில் நேற்று வங்கதேசம், ஆஸ்திரேலியா அணிகள் மோதின. மதுரையில் நடைபெற்ற ஆட்டத்தில் வங்கதேசம் 5-4 என்ற கோல் கணக்கில் வெற்றி பெற்று தொடரை 17வது இடத்தில நிறைவு செய்தது. இந்த அணி சார்பில் அமிருல் இஸ்லாம் ஹாட்ரிக் கோல் அடித்து அசத்தினார்.

கொரியா 19 வது இடம்:

அவர் 15, 50 மற்றும் 57வது நிமிடங்களில் கிடைத்த பெனால்டி கார்னர் வாய்ப்புகளை கோலாக மாற்றினார். ஹோசிஃபா ஹொசைன் (27 ஆவது நிமிடம்) ரகிபுல்ஹாசன் (35 வது நிமிடம்) ஆகியோர் தலா ஒரு கோல் அடித்தனர். எகிப்து அணி 3-2 என்று கோல் கணக்கில் கனடாவை வீழ்த்தி 21 வது இடத்தை பிடித்தது. கொரியா 5-4 என்ற கோல் கணக்கில் சீனாவை வீழ்த்தி 19-வது இடத்துடன் தொடரை நிறைவு செய்தது.

நமீபியா 4-2 என்ற கோல் கணக்கில் ஓமனை வீழ்த்தி 24 அணிகள் கலந்து கொண்டுள்ள தொடரில் 23-வது இடம் பிடித்தது. 17 வது இடம்பிடித்த வங்கதேச அணியினருக்கு அமைச்சர்கள் மூர்த்தி, பழனிவேல் தியாகராஜன், கலெக்டர் பிரவீன் குமார், மாநகராட்சி கமிஷனர் சித்ரா விஜயன், போலீஸ் கமிஷனர் லோகநாதன் பரிசுகளை வழங்கினார்கள்.