கலெக்டரிடம் மாணவர்கள் வாழ்த்து

 பெரம்பலூர், அக்.25-

 உலக விண்வெளி வார விழாவினையொட்டி பெரம்பலூர் சீனிவாசன் பல்கலைகழகத்தில் பேச்சுப்போட்டி, வினாடி வினா மற்றும் ஓவியப்போட்டி உள்ளிட்ட போட்டிகள் நடந்தன.இதில் அரியலூர், பெரம்பலூர், திருச்சி, கடலூர் மற்றும் கள்ளக்குறிச்சி ஆகிய 5 மாவட்டங்களைச் சேர்ந்த மாணவ, மாணவிகள் கலந்துகொண்டனர்.

அதில், கீழப்பழுவூர் அரசு மாதிரிப்பள்ளியை சேர்ந்த 9-ம் வகுப்பு மாணவி என்.காவியா இளையோர் பிரிவு பேச்சுப்போட்டியில் முதல் பரிசும், 10-ம் வகுப்பு மாணவி மு.மிருதுளா மேலோர் பிரிவு பேச்சுப்போட்டியில் 2-ம் பரிசும் பெற்றனர்.

இதேபோன்று தனியார் பள்ளியை சேர்ந்த பிளஸ்2 மாணவன் உ.ராகுல் ஓவியப்போட்டியில் முதல் பரிசும், 9-ம் வகுப்பு மாணவி அ.எஸ்தர் கேத்தரின் 2-ம் பரிசும், வினாடி வினாப் போட்டியில் பிளஸ்2 மாணவர்கள் பா.பிரதீஸ்ராஜ், பொ.மு.நபி, பி.அட்சயா ஆகியோர் 2-ம் பரிசும், பேச்சுப்போட்டியில் பிளஸ்2 மாணவி செ.பி.பியாசென் 2-ம் பரிசும் பெற்றுள்ளதை தொடர்ந்து அனைவரும் மாவட்ட கலெக்டர் .ரத்தினசாமியை, நேற்று சந்தித்து தாங்கள் பெற்ற விருதுகள், பாராட்டுச் சான்றிதழ்களை காண்பித்து வாழ்த்துப்பெற்றனர்.

மாவட்ட முதன்மை கல்வி அலுவலர் (பொருப்பு) பாலசுப்ரமணியன், மாவட்ட கல்வி அலுவலர் சித்ராதேவி, பள்ளி தலைமையாசிரியர்கள் கலந்துகொண்டனர்.