குற்ற வழக்கில் கைது செய்யப்பட்டதால் ஆத்திரம்: இளைஞரை கடத்தி பணம் பறித்த ரவுடிகள் கைது

சென்னை: குற்ற வழக்​கில் கைது செய்​யப்​பட்ட ரவுடிகள் இரு​வர், தங்​களை போலீ​ஸாரிடம் காட்​டிக்​கொடுத்த இளைஞரை ஆட்​டோ​வில் கடத்​திச் சென்று பணம் பறித்​த​போது பொது​மக்​கள் சுற்​றி வளைத்து பிடித்​தனர்.

சென்​னை, ஆர்​.ஏ.புரம் 2-வது தெரு​வில் வசித்து வருபவர் அஜித்​(24). டிராவல்ஸ் தொழில் செய்து வரு​கிறார். கடந்த 7-ம் தேதி இரவு அதே பகு​தி​யில் உள்ள சத்யா நகரில் உள்ள டீக்​கடை அருகே நின்று கொண்​டிருந்​தார்.

அப்போது, அங்கு ஆட்​டோ​வில் வந்​திறங்​கிய 2 பேர், அஜித்தை சரமாரி​யாக தாக்​கினர். பின்​னர், அவரை ஆட்​டோ​வில் கடத்​திச் சென்று பணம் கேட்டு மிரட்டி தாக்​கினர். அவரது செல்​போனைப் பறித்​து, பாஸ்​வேர்டை மிரட்டி கேட்டு ஜி-பே மூலம் ரூ.4 ஆயிரத்​தை, அவர்​களது வங்கி கணக்​குக்கு மாற்​றினர்.

தொடர்ந்​து, சைதாப்​பேட்​டை​யில் ஆட்​டோவுக்கு கேஸ் நிரப்​பினர். அதற்​கும் அஜித்​தின் ஜி-பே மூலம் ரூ.600 செலுத்​தினர். அங்​கிருந்து அடை​யார் திரு.​வி.க. பாலம் அருகே இறக்​கி​விட்டு மீண்​டும் ரூ.10 ஆயிரம் கேட்டு தாக்கினர்.

அப்​போது அஜித் கதறி கூச்​சலிட்​டார். இதைக்​கேட்டு அந்த வழி​யாக சென்ற வாகன ஓட்​டிகள் மற்​றும் பொது​மக்​கள் தாக்​குதல் நடத்​திய இரு​வரை​யும் சூழ்ந்து கொண்​டனர். தப்​பிக்க முயன்ற இரு​வருக்​கும் தர்​மஅடி கொடுத்​து, அபி​ராமபுரம் போலீ​ஸாரிடம் ஒப்​படைத்​தனர்.

விசா​ரணை​யில் அஜித்தை தாக்கி பணம் பறித்​தது ஆர்​.ஏ.புரத்​தைச் சேர்ந்த பாபா சுரேஷ் என்ற சுரேஷ் குமார் (27), அவரது கூட்​டாளி​யான அதே பகு​தி​யைச் சேர்ந்த பிர​சாத் (20) என்​பது தெரிய​வந்​தது.

இரு​வரும் சரித்​திர பதிவேடு குற்​ற​வாளி​கள் என்​பதும், சுரேஷ்கு​மார் மீது 10 குற்ற வழக்​கு​களும், பிர​சாத் மீது 3 குற்ற வழக்​கு​களும் உள்​ளது தெரிய​வந்​தது. சில வருடங்​களுக்கு முன்​ இரு​வரும் குற்ற வழக்​கில் கைது செய்​யப்​பட்​டுள்​ளனர்.

போலீ​ஸாரிடம் அஜித் காட்​டிக் கொடுத்​த​தால்​தான் இரு​வரும் சிறை சென்​ற​தாக​வும், அந்த வழக்கு செல​வுக்​கான பணத்தை அஜித்​திடம் பெறவே கடத்தி தாக்​கிய​தாக​வும் இரு​வரும் போலீ​ஸாரிடம் வாக்​குமூலம் அளித்​துள்​ளனர். இதையடுத்​து, இரு​வரும் கைது செய்​யப்​பட்​டு சிறை​யில்​ அடைக்​கப்​பட்​டனர்​.