அம்மா மாதிரி

" என்னங்க ! பெண் எப்படியிருக்கா ? நம்ம சந்துருவுக்கு ஈடா இருப்பாளா ?" 

பெண் பார்த்துவிட்டு வீட்டினுள் நுழைந்த கணவர் சடகோபனிடம் கமலா ஆர்வமுடன் கேட்க, அதற்கு அவர் " நீ ஃபோட்டவ்ல பார்த்தமாதிரி

நல்லா இருக்கா ! மற்றப்படி பிள்ளை யாண்டானிடம் டிடெய்ல்ஸ் கேட்டு க்கோ" என்றபடி சோஃபாவில் அமர்ந்து கொண்டார். இப்படி மொட் டையாச் சொல்றாரே ! ' சே' என்றா னது கமலாவிற்கு.

வண்டியைப் பார்க் பண்ணிவிட்டு நுழைந்தான் சந்துரு.

" வாடாப்பா ! நீயாவது பெண் எப்படி இருக்காள்னு விலாவரியாச் சொல்லு ! உங்கப்பாவைக் கேட்டால் சரியாச் சொல்லல்ல.." 

" அம்மா ! நீ ஃபோட்டோவுல பார்த்த போது எப்படி இருக்குறா ?" 

" ம்..வட்டமுகம்.."

" அப்புறம் ?" 

" அழகான கண்கள். கூர்மையான நாசி. சுருள் சுருளான அடர்த்தியான கேசம்.வட்ட முகத்தில் பார்க்க அம்சமா இருக்குறா !" 

" கரெக்ட்...அதோட நல்ல நிறம். ஐந்தரை அடி உயரம்...மெத்தத்தில பார்க்க யார் மாதிரி இருக்கா தெரியுமா ?" 

கமலா புன்னகையுடன் தலையை ஒரு பக்கம் சாய்த்தபடி மகனை பார்த்தாள்.

" அழகு, அடக்கம், ஒடுக்கம் இதேல் 

லாம் சேர்ந்த எங்க அம்மா மாதிரி இருக்குறா !" 

சந்துரு இப்படிச் சொன்னதும் சட்டென கமலா முகம் சுருங்கியது. கண்களில் நீர் கசிந்தது. சடகோபனு 

க்கு என்னவோப் போல இருந்தது ! 

சந்துரு பதறிப் போனான். "என்னம்மா

ஆச்சு ? ஏன் கண் கலங்குற ?" 

" வேணாம்ப்பா. உன் அம்மா மாதிரின்னு இன்னொருதடவை சொல்லாதே !" வீல் சேரை அப்படியும் இப்படியும் ஆட்டினாள் கமலா. புரிந்துபோக சுரீர் என நெஞ்சில்

ஈட்டியால் குத்துவது போல் வேதனை யுற்றான் சந்துரு. இவ்வளவு நேரம் 

மகிழ்ச்சியாக இருந்தவன் சோகமுற் 

றான். 

ஆறுமாதம் முன்னால் ஏற்பட்ட ஒரு விபத்தில் கமலாவின் தண்டுவடம் பாதிப்புக்குள்ளாகி கால்கள் இரண் டும் விளங்காமல் போய்விட்டது. அன்றிலிருந்து வீல்சேரில்தான் நடமாட்டம் ! அம்மா அதைக்கோடி ட்டுக் காட்டிதான் பேசுகிறாள் என்

பதை புரிந்துகொண்டான் சந்துரு.

"ஸாரிம்மா ! எதார்த்தமாகத்தான் சொன்னேன்....உன் மனசு நோகும்னு தெரிஞ்சிருந்தால் நான் அப்படி பேசி யிருக்கமாட்டேன்மா...என்னை மன்னி ச்சிடும்மா!" அம்மாவின் கைகளை ஆதூரத்துடன் பற்றினான் சந்துரு.

அவன் கண்களும் லேசாக கலங்கி 

யிருந்தன. 

மகனின் வருத்தம் கண்டு மனம் கனி

ந்த கமலா அவன் தலையை தன் 

வலது கையால் தடவி விட்டாள். 

அம்மா இயல்பு நிலைக்குத் திரும்பி

யது பெருத்த ஆயாசத்தை கொடுத் 

தது சந்துருவிற்கு . சடகோபனுக்கும்

' அப்பாடா' என்றிருந்தது !

வி.கே.லக்ஷ்மிநாராயணன்