ஆற்றாமை

 பூஞ்சை தொற்றென நெஞ்சை மூடும்,

ஆற்றாமையை வெல்லுதல் எளிதல்ல எந்நாளும்!

முகம் பார்க்கும் கண்ணாடி மேல்

படிந்திருக்கும் தூசி அல்ல; ஆற்றாமை.

இடக்கையால் துடைத்து

மீட்டும் முகம் பார்க்க.

புதைக்கப்பட்ட விதை முளைப்பது அன்ன

பதிவாய் கிளைத்து வரும் ஆற்றாமை 

ஆற்றாமை விடாது உன்னை; என்றும்

நீ அதை விட்டு விலக;

 அருமருந்து ஒன்றே உண்டு; ஆற்றாமைக்கு 

போராட்டத்திற்குப் பின் பெற்ற வெற்றிகள்

தந்த உச்சிகளை நினைத்து மகிழ்

ஏற்பிசைவு நீ தந்தால் மட்டுமே

தோல்வியாய் தோன்றும்; அதை புறந்தள்ளி 

மேலே பயணம் செய்ய ஆற்றாமை

தோற்றுப் போகும்

வெற்றி வந்து

தங்கும் உன் கையில் 

சசிகலா விஸ்வநாதன்