இம்ரான் கான் உயிரோடிருப்பதற்கு ஆதாரங்களை வெளியிடுங்கள்: பாக். சிறை நிர்வாகத்துக்கு மகன் காசிம் கான் வலியுறுத்தல்

இஸ்லாமாபாத்: ‘‘சிறை​யில் எனது தந்தை இம்​ரான் கான் உயிரோடு இருக்​கிறார் என்​ப​தற்கு ஆதா​ரங்​களை வெளி​யிட வேண்​டும்’’ என்று அவரது மகன் காசிம் கான் வலியுறுத்தியுள்​ளார்.

பாகிஸ்​தான் முன்​னாள் பிரதமர் இம்​ரான் கான், பல்​வேறு வழக்​கு​கள் தொடர்​பாக தண்​டனை விதிக்​கப்​பட்டு ராவல்​பிண்டி அடி​யாலா மத்​திய சிறை​யில் அடைக்​கப்​பட்​டுள்​ளார். நீதி​மன்ற உத்​தர​வின்​படி இம்​ரானின் குடும்​பத்​தினர் அவரை அவ்​வப்​போது சந்​தித்து வந்​தனர். இந்​நிலை​யில், கடந்த ஒரு மாத​மாக சிறை​யில் அவரை சந்​திக்க நிர்​வாகம் அனு​ம​திக்​க​வில்​லை. இதற்​கிடை​யில், சிறை​யில் இம்​ரானை ராணுவம் கொன்​று​விட்​ட​தாக தகவல் பரவியது.

இதையடுத்து 2 நாட்​களுக்கு முன் சிறைக்கு வெளி​யில் இம்​ரான் கானின் சகோ​தரி​கள் 3 பேர் தர்​ணா​வில் ஈடு​பட்​டனர். அவர்​கள் மீது போலீ​ஸார் கடும் தாக்​குதல் நடத்​தி​ய​தாக குற்​றச்​சாட்டு எழுந்​தது. இந்​நிலை​யில், இம்​ரானின் மகன் காசிம் கான் நேற்று தனது எக்ஸ் வலை​தளப் பக்​கத்​தில் கூறி​யிருப்​ப​தாவது:

எனது தந்தை உயிரோடு இருக்​கிறார் என்​றால், அதற்​கான ஆதா​ரங்​களை வெளி​யிட வேண்​டும். கடந்த ஒரு மாத​மாக அவரை சந்​திக்க எங்​களை அனு​ம​திக்​காதது ஏன்? மனி​தாபிமானமில்​லாமல் அவரை தனிமைப்​படுத்தி வைத்​திருப்​பது சரியல்ல. இது சட்​ட​விரோத​மானது. கடந்த 845 நாட்​களாக எனது தந்தை சிறை​யில் அடைத்து வைக்​கப்​பட்​டுள்​ளார். கடந்த ஒரு மாத​மாக அவரை யாரும் தொடர்பு கொள்ள முடிய​வில்​லை. நீதி​மன்ற உத்​தரவு இருந்​தும், அவரை சந்​திக்க அனு​ம​திக்​காதது ஏன்? போனிலும் பேச முடிய​வில்​லை.

எங்​களது தந்​தை​யின் பாது​காப்​பு, உடல்​நலம் எல்​லா​வற்​றுக்​கும் பாகிஸ்​தான் அரசு​தான் பொறுப்​பேற்க வேண்​டும். இந்த விவ​காரத்​தில் சர்​வ​தேச நாடு​களும் சர்​வ​தேச மனித உரிமை அமைப்​பு​களும் தலை​யிட்​டு, எனது தந்​தை​யின் பாது​காப்பை உறுதி செய்ய வேண்​டும். இவ்​வாறு காசிம் கான் கூறி​யுள்​ளார்.