உலகின் சக்திவாய்ந்த ‘பாஸ்போர்ட்’ நாடாக 7வது ஆண்டாக முதலிடம் வகிக்கும் யுஏஇ

உலகின் சக்திவாய்ந்த பாஸ்போர்ட் கொண்ட நாடுகளின் பட்டியலில் தொடர்ந்து 7வது ஆண்டாக யுஏஇ முதலிடத்தில் உள்ளது. இந்த பட்டியலில் இந்தியா 67வது இடத்தில் உள்ளது.

உலகின் சக்திவாய்ந்த பாஸ்போர்ட் குறித்த பட்டியலை கனடாவை சேர்ந்த ஆர்ட்டன் கேப்பிடல் என்ற நிறுவனம் உலகின் சக்திவாய்ந்த பாஸ்போர்ட் கொண்ட நாடுகளின் பட்டியலை வெளியிட்டுள்ளது. ஒரு நாட்டின் பாஸ்போர்ட் மூலம் எத்தனை நாடுகளுக்கு விசா இல்லாமல் செல்லலாம் என்பதன் அடிப்படையில் இது தீர்மானிக்கப்படுகிறது. பட்டியலில் தொடர்ந்து 7வது ஆண்டாக யுஏஇ முதலிடத்தில் உள்ளது. யுஏஇ பாஸ்போர்ட் மூலம் 179 நாடுகளுக்கு விசா இல்லாமல் பயணிக்கலாம். 2வது இடத்தில் சிங்கப்பூர், ஸ்பெயின், 3 வது இடத்தில் பெல்ஜியம், பிரான்ஸ், சுவீடன், ஜெர்மனி, நெதர்லாந்து, பின்லாந்து, லக்சம்பர்க், இத்தாலி, டென்மார்க், போர்ச்சுகல், சுவிட்சர்லாந்து, கிரீஸ், ஆஸ்திரியா, மலேசியா, நார்வே, அயர்லாந்து, தென் கொரியா, ஜப்பான், 4வது வரிசையில் போலந்து, ஸ்லோவேனியா, குரோஷியா, ஸ்லோவாக்கியா, ஹங்கேரி, எஸ்டோனியா, 5வது வரிசையில் மால்டா, ருமேனியா, செக் குடியரசு, பல்கேரியா, லாட்வியா, நியூசிலாந்து, 6வது வரிசையில் லிதுவேனியா, லிச்சென்ஸ்டீன், ஆஸ்திரேலியா, 7வது வரிசையில் சைப்ரஸ், ஐஸ்லாந்து, 8வது வரிசையில் யுனைடெட் கிங்டம், கனடா, 9வது வரிசையில் அமெரிக்கா, 10வது வரிசையில் மொனாக்கோ உள்ளன.

இந்த பட்டியலில் இந்தியா 67வது இடத்தில் உள்ளது. இலங்கை 84வது இடத்திலும், பாகிஸ்தான் 91வது இடத்திலும் உள்ளது.