உலக எயிட்ஸ் தினம் - 2025

உலக எய்ட்ஸ் தினம் ஒவ்வொரு ஆண்டும் டிசம்பர் 1 ஆம் தேதி அனுசரிக்கப்படுகிறது. மேலும் 2025 ஆம் ஆண்டுக்கான கருப்பொருள் "தடங்கல்களைக் கடந்து, எய்ட்ஸ் தடுப்பு நடவடிக்கைகளை மாற்றுதல்" ("Overcoming disruption, transforming the AIDS response") ஆகும்.

உலக சுகாதார அமைப்பு 1988 ஆம் ஆண்டு முதல் ஒவ்வொரு ஆண்டும் டிசம்பர் 1 அன்று உலக எய்ட்ஸ் தினமாக அறிவித்துள்ள நிலையில் 37வது உலக எய்ட்ஸ் தினம் இன்று அனுசரிக்கப்படுகிறது. மனித குலத்தை அச்சுறுத்திய இந்த தீவிரமான ஆட்கொல்லி நோயை மக்களிடம் கொண்டு செல்லவும், அதற்கான விழிப்புணர்வை உண்டாக்கவும் பல வழிகளில் முயற்சி எடுத்து வருகின்றன. இன்றும் சமூகத்தில் அந்த நோயால் பாதிக்கப்பட்டவர்களைக் கண்டால் தீண்டத்தகாதவர்கள் போல் ஒதுக்கி வைத்திருக்கிறார்கள். அதனால் எச்ஐவி நோய் பாதிப்பை ஆரம்பத்தில் கண்டாலும் அவர்கள் சிகிச்சை பெறுவது தாமதமாகின்றது.

சிறுமிகள் மற்றும் இளம்பெண்களும் கூட எச்,ஐ.வி நோயால் பாதிக்கப்படுகின்றனர். மேலும் எச்.ஐ.வி உடன் வாழும் 39 மில்லியன் மக்களில், 9.2 மில்லியன் மக்கள் உயிர்காக்கும் சிகிச்சையை அணுகவில்லை என்பது குறிப்பிடத்தக்கது.

ஒவ்வொரு நாளும் 1700 உயிர்கள் இழக்கப்படுகின்றன. மேலும் நாள் ஒன்றுக்கு 3500 பேர் பாதிக்கப்பட்டுள்ளனர். பலரும் தங்கள் நிலையை அறியாமல் சிகிச்சையை பெற அணுகவும் இல்லை.

வரும் 2030 ஆண்டுக்குள் எய்ட்ஸை முடிவுக்கு கொண்டு வரும் முயற்சியை கையிலெடுத்துள்ள நிலையில் சமூகங்கள் வழிநடத்த வேண்டும் என்று உலக சுகாதார நிறுவனம் (WHO) கோரிக்கை விடுத்துள்ளது.

தொகுப்பு: பா. சீனிவாசன், செயலாளர், இந்தியன் ரெட் கிராஸ் சங்கம், வந்தவாசி.