எச்1பி விசா கட்டண உயர்வால் இந்தியாவுக்கு பணிகளை மாற்ற அமெரிக்க நிறுவனங்கள் பரிசீலனை

பெங்களூரு: எச்​1பி விசாவுக்​கான புதிய விதி​முறை​களை அமெரிக்க அதிபர் டொனால்டு ட்ரம்ப் செப்​டம்​பரில் வெளி​யிட்​டார். அதில், எச்​1பி விசாவுக்​கான கட்​ட​ணத்தை 1 லட்​சம் டால​ராக அதி​கரிப்​ப​தாக (இந்​திய மதிப்​பில் சுமார் ரூ.88 லட்​சம்) அறி​விப்பு வெளியிட்​டார்.

ஏற்​கெனவே 2,000 டாலர் என்​ப​திலிருந்து 5 ஆயிரம் டால​ராக கட்​ட​ணத்தை அதி​கரித்த ட்ரம்ப் தற்​போது பன்​மடங்கு உயர்த்​தி​யது திறமை​யான வெளி​நாட்டு தொழிலா​ளர்​களை நம்​பி​யிருக்​கும் அமெரிக்க நிறு​வனங்​களுக்கு பேரிடி​யாக அமைந்​தது.

இந்த நிலை​யில், அமெரிக்க செனட் சபை​யில் இதற்​கான மசோதா அறி​முகப்​படுத்​தப்​பட்​டுள்​ளது. ட்ரம்​பின் விசா கட்​டுப்​பாடு​கள் காரணமாக, அமெரிக்க நிறு​வனங்​கள் ஏஐ, தயாரிப்பு மேம்​பாடு, சைபர் பாது​காப்​பு, பகுப்​பாய்வு ஆகிய​வற்​றுடன் பிணைக்​கப்​பட்ட உயர்​நிலை வேலைகளை இந்​தி​யா​வுக்கு மாற்​று​வது குறித்து தீவிர​மாக பரிசீலித்து வரு​கின்​றன.

இது, உலகளா​விய திறன் மையங்​களின் (ஜிசிசி) வளர்ச்​சியை அதி​கரிக்​கும் என்று பொருளா​தார வல்​லுநர்​கள் மற்​றும் தொழில்​துறை​யினர் தெரி​வித்​துள்​ளனர்.

இந்​தி​யா​வின் மொத்த உள்​நாட்டு உற்​பத்​தி​யில் கிட்​டத்​தட்ட 8% பங்​களிப்பை 283 பில்​லியன் டாலர் மதிப்​பைக் கொண்ட ஐடி துறை வழங்​கு​கிறது. ட்ரம்​பின் இந்த முடிவு இந்த துறை​யில் தாக்​கத்தை ஏற்​படுத்​தும் என்​றாலும் ஜிசிசி சேவை​களுக்கு அதி​கரித்து வரும் தேவை அதனை குறைக்க உதவும் என்று இத்​துறை நிபுணர்​கள்​ தெரி​வித்​துள்​ளனர்​.