கடமையைச் செய்....!

இரவு நடுநிசி நேரத்தில் பேருந்து நிலையத்தை அடைந்ததும் பேருந்தில் உறங்கிக் கொண்டிருந்தவர்களை தட்டி எழுப்பி ஊர் வந்த இறங்க மாட்டிங்களா...என நடத்துனர் சத்தம் போட ,

மூடிய விழிகளை திறக்க விடாமல் இமைகள் தழுவிக் கொண்டு இருந்ததை பிடிவாதமாய் திறந்து விழிகள் பார்க்க எரிச்சல் உணர்வை ஏற்படுத்தியது 

தள்ளாடியபடி எழுந்து 

கணமாக இருந்த லக்கேஜ் பேக்கை தூக்கி தோளில் வைத்து பேருந்தின் படியில் இறங்கினான் சாமிதுரை 

ஆட்கள் இறங்கியதும் பேருந்து புறப்பட்டது 

பேருந்து நிலையத்தில் ஆட்கள் அதிகமாக இல்லை ஒரு சிலர் மட்டும் கடை வாசல் படியில் அமர்ந்திருந்தனர் 

உயரமாய் இருந்த மின் விளக்குகள் பனி படர்ந்த நிலையில் சோபித்த படி மங்கலாக வெளிச்சம் படர்ந்திட இருளை விரட்டி பளிச் சென பிரகாசமாய் பாய்ந்திருந்தது 

 இதனைப் பார்த்தவன் தூக்க கலக்கம் தள்ளாட வைத்தது உடனை சாமிதுரை

பையில் இருந்து தண்ணீர் பாட்டிலை எடுத்து முகத்தை கழுவியவன் கண்களில் தண்ணீரை தெளித்து எரிச்சலை போக்கி கைத்துண்டை எடுத்து துடைத்தவன் பையில் வைத்து விட்டு அழைப்பிதழை எடுத்து முகவரியைப் பார்த்தவன் பேருந்து எதிரே இருந்த கடையின் பெயர் பலகையைப் பார்த்தான் வீதியின் பெயரைப் பார்த்துக் கொண்டு இருக்கும் போது 

இரு சக்கர வாகனத்தில் இரவு காவல் காக்கும் காவலர்கள் இருவர் வருவதைப் பார்த்தவன் காவலரிடம் அழைப்பிதழைக் காட்டி கேட்கலாமா என எண்ணிக் கொண்டு இருக்கும் போது காவலர் ஒருவர் அருகில் வந்தார் 

"வாய்யா...அய்யா...

கூப்பிடுகிறார் "என அழைத்துக் கொண்டே "எந்த ஊருய்யா..கடையையே பாத்துக்கிட்டே இருக்கே "என கேட்டுக் கொண்டே 

சார்...எதுவும் பதில் சொல்ல மாட்டிங்கிறான் சார்" என்று சொல்ல 

"யோவ் அவன் வைத்திருக்கும் பையைச் செக் பண்ணுய்யா..."

"பையில என்னய்யா வச்சுருக்கே கொண்டய்யா.. பாக்கலாம் "என்று தோளில் இருந்த பையை வாங்கி கையால் அமுக்கி பார்த்து விட்டு 

அவர் அருகில் சென்று 

"சார் கட்டுக்கட்டா ஏதோ இருக்கு சார் "

"யோவ்...பணக்கட்டா இருந்தாலும் இருக்கும்ய்யா அத எதுவும் செய்யாதே அப்படியே வீட்ல கொடுத்துட்டு வா நா இந்தாள விசாரிக்கிறே என்ன "

"சார் திறந்து என்ன இருக்குன்னு செக் பண்ணுவோம் சார் "

"யோவ் விவரம் தெரியாம பேசாதய்யா... 

கடைகள் எல்லாம் திறக்க வந்திருவாங்க பேருந்தும் அதிகமா வரத் தொடங்கிடும் அப்பறம் கூட்டம் சேர்ந்திரும் போய்யா நா சொன்னதைச் செய்யா.."என்று சொல்லவும் 

"சரிசார் பையை எடுத்து இரு சக்கர வாகனத்தில் வைத்துக்கொண்டு வந்தவழியேச் சென்றார் காவலர் "

"சார் சார் அது வந்து பையில... "

"யோவ் எதுவும் பேசாதே எங்கிருந்து வர்றே,உன் பேரென்ன இங்கே யாரப் பார்க்க வந்தே 

இரு சக்கர வாகனத்தில் வரும் போது உன்னே பாத்துக்கிட்டே வந்தேன் கடையப் பார்க்கிறே சுற்றி பார்க்கிறே "என வந்தவரைப் பேச விடாமல் கேட்டார் இரவுக் காவலர் ரத்தினம் 

" முகவரியைப் பார்த்தேன் சார் "

"என்ன முகவரிய பார்த்தே உன்னே மாதிரி எத்தனை பேர பார்த்திருக்கே வாய்யா ஸ்டேஷனுக்கு "என்று சொல்லிக் கொண்டே 

அலைபேசி எடுத்தார் அப்போது போன காவலர் திரும்பி வந்தவர் 

"என்ன சார் எதாவது தகவல் கிடைச்சதா "

"அவ எதுவும் பேச மாட்டிங்கிறானய்யா"

"சார் ஒரு வேளை அவ ஊமையா இருப்பானோ "

"இல்லையா பேசுரா" 

"என்ன சார் பேசுனா " 

"யோவ் காலையிலேயே கடுப்பேத்தாதே முதல்ல ஸ்டேஷனுக்கு வண்டிய விடுய்யா "

இந்தாளே...

"இந்தாளையுந்தான்"

சாமியை ஏத்திக்கிட்டு காவலர்கள் காவல் நிலையத்திற்கு வந்தார்கள் 

"யோவ்..இந்தாளே.. உள்ளே உட்கார வை நா வீட்டுக்கு போய் செக் பண்ணிட்டு பைய எடுத்துட்டு வர்றேன் 

யாரும் கேட்டா சந்தேகக் கேசுல புடுச்சுட்டு வந்தோம்னு சொல்லு  

சரியா" எனச் சொல்லி விட்டு ரத்தினம் இருசக்கர வாகனத்தில் சென்றார் 

சாமிதுரை காவல் அலுவலகத்தைப் பார்த்தார் இருந்த ஒரு காவலரும் உள்ளே போனார் பெஞ்சில் இருந்தவாறு யோசித்தார் "அவங்களா பேசினாங்களேத் தவிர எதுவுமே சொல்ல விடமாட்டிங்கிறாங்களே "என்றெண்ணி யவர் நிகழ்விற்கு வரச் சொன்னவர்களுக்கு தொடர்பு கொண்டார் சிறிது நேரங்களித்து ஹலோ....என குரல் அழைக்க

 "அய்யா நா சாமிதுரை பேசுறேன் 

வந்துட்டிங்களா.."என கேட்க நடந்த விவரத்தை சொல்லி முடித்தார் "

அப்பிடியா அங்கேயே இருங்க நா வர்றேன்னு" சொல்லி வைத்தார் 

வேகமாக வீட்டிற்கு வந்த ரத்தினம் 

"பை. கொண்டு வந்து கொடுத்தாங்களா" "ஆமாங்க அது வந்துங்க..."

"நா வந்து பேசிக்கிறலாம்னு" சொல்லிக்கொண்டே பாத்ரூமிற்குள் ஓடினார் 

கொஞ்ச நேரங்கழிச்சு அவர் உள்ளறையில் நூழைந்து பையை எடுத்து கட்டிலில் வைத்தார் அப்போது வாசலில் அழைக்கும் குரல் கேட்டு அறையை விட்டு வெளியே வந்தார் அவர் மனைவி வாசல் கதவை திறக்கவும் காவல் ஆய்வாளரைப் பார்த்ததும் "சார் இப்பத்தா வீட்டிற்கு வந்தேன்னு" உளறினார் 

"எங்கய்யா.... கொண்டு வந்த பை 

பையா..."

"அது வந்து சார் "

"இதா நீ நைட்டூட்டி பார்க்கிற லட்சணமா.."என்றார் "அய்யா....சாமிதுரை இங்கே வாங்கன்னு" அழைக்க 

சாமிதுரையுடன் மற்றொருவரும் உடன் இவர்களைப் பார்த்ததும் 

"பையில் ஏதோ விலை மதிக்க முடியாத வெயிட்டான தா ஏதோ இருக்கிறது அய்யோ...கைக்கு கிடைச்சது வாயிக்கு கிடைக்காது போலிருக்கே "என மனதிற்குள் புலம்பிக் கொண்டு இருக்க

ரத்தினத்தின் மனைவி அறையில் இருந்து பையை தூக்கிட்டு வந்து வைக்கவும் இந்த பையில என்னய்யா இருக்கு"

"தெரியல சார்..."

"அதத்திறய்யா...."

பையில் இருந்த ஜிப்பை இழுக்கவும் உள்ளே பார்த்தார்

 துண்டு,சட்டை வேஷ்டி துணிகள் அதற்கு கீழ் பார்க்க அழகா அடிக்கி வைக்கப் பட்டிருந்த புத்தகங்கள் ஆ ....

புத்தகமா... அய்யோ காலையிலே கான்ஸ்டபிள் பண்ணிய வேலே மனசுல ஆசை வர்ற மாதிரியே பேசி என்னை இப்படி அசிங்கப்பட வைத்து விட்டானே என ரத்தினம் பொறுமிக் கொண்டே புத்தகங்களை எடுத்துக் காண்பித்தார் என்னய்யா இது ?

இன்னைக்கு வெளியீட்டு விழாவிற்கு கொண்டு வந்ததை நீ எதுக்குய்யா .... வீட்டிற்கு கொண்டு வந்தே ? அதுவும் என்ன ஏதுன்னு விசாரிக்காம அவரை எதுக்குய்யா ஸ்டேஷனில் இருக்க வச்சுட்டு வந்தேன்னு கேட்டுக் கொண்டே புத்தகத்தை வாங்கிப் பார்த்தார் "கடமையைச் செய்" என்று அட்டைப் படத்தில் வடிவமைக்கப்பட்டு

கீழே சாமிதுரைன்னு பெயர் இருந்ததைப் பார்த்தவர் "கடமையைச் செய்னு அம்சமான புத்தகத்தை பதுக்கப் பார்த்திருக்கே 

அய்யா சாமிதுரை சிறப்பான முறை நூல் வெளியிடுங்கள் நானும் நிகழ்விற்கு வருகிறேன் இப்படி நடந்ததற்கு அவர் சார்பாக வருத்தத்தை தெரிவிச்சுக்கிறேன் ரத்தினம் இருநூறு ரூபா எடுத்துட்டுட்டு வாய்யா "என்று சொல்லவும் வேகமா உள்ளே போய் சட்டையில் இருந்த ரூபாயை பார்க்காமல் எடுத்து வந்து அவரிடம் கொடுக்க வாங்கிப் பார்த்தவர் "ரத்தினம் உனக்கு தாராள மனசுயா இருநூறு ரூபா கேட்டா ஐநூறு ரூபா கொடுக்கிறியே உன்ன பாராட்டுகிறேன் ,

அய்யா சாமிதுரை நா ஒரு புத்தகம் அவர் ஒரு புத்தகம் இந்தாங்க ஐநூறு ரூபா வச்சுக்கோங்க நடந்தத மறந்திடுங்க உங்கள் கடமையைச் செய் நூல் அமோகமாக விற்பனை ஆகட்டும் வாழ்த்துக்கள் "எனச் சொல்லி அனுப்பி விட்டு 

"ரத்தினம் பணக்கட்டு இருக்குன்னு தானே பையை தூக்கிட்டு வந்தே ஏய்யா உனக்கு இந்த பேராசை "ன்னு சொல்லவும் அவமானத்தில் தலை குனிந்து நின்றார் ரத்தினம் 

நல.ஞானபண்டிதன்

திருப்புவனம் புதூர்