சென்னை ஸ்குவாஷ் போட்டி: ஜோஷ்னா சின்னப்பா வெற்றி

சென்னை: ஹெச்சிஎல் ஸ்குவாஷ் இந்தியா டூர் 4 போட்டி சென்னையில் உள்ள இந்திய ஸ்குவாஷ் அகாடமியில் நேற்று தொடங்கியது. ரூ.13.40 லட்சம் பரிசுத் தொகை கொண்ட இந்தத் தொடர் வரும் 5ம் தேதி வரை நடைபெறுகிறது.

தொடக்க நாளில் மகளிர் ஒற்றையர் பிரிவில் நடைபெற்ற ஆட்டத்தில் இந்திய நட்சத்திரமான ஜோஷ்னா சின்னப்பா 11-3, 11-7, 11-6 என்ற செட் கணக்கில் சகநாட்டைச் சேர்ந்த அனிகா துபேவை தோற்கடித்தார். ஜோஷ்னா தனது அடுத்த ஆட்டத்தில் நியூஸிலாந்தின் எல்லா ஜேன் லாஷுடன் மோதுகிறார்.

தேசிய சாம்பியன்களான வேலவன் செந்தில் குமார், அனஹத் சிங் ஆகியோருக்கு முதல் சுற்றில் ‘பை’ வழங்கப் பட்டது. இதனால் அவர்கள் நேரடியாக 2-வது சுற்றில் மோத உள்ளனர்.

யு 23 கிரிக்கெட் போட்டியில் தமிழக அணி சாம்பியன்

மும்பை: ஆட​வருக்​கான யு-23 மாநில ‘ஏ’ ஒன்டே டிராபி தொடரின் இறுதி ஆட்​டத்​தில் தமிழ்​நாடு - உத்​தர பிரதேசம் அணி​கள் மோதின. மும்பை வான்​கடே மைதானத்​தில் நடை​பெற்ற இந்த ஆட்​டத்​தில் முதலில் பேட் செய்த தமிழக அணி 49.3 ஓவர்​களில் 297 ரன்​கள் குவித்து ஆட்​ட​மிழந்​தது.

எஸ்​.ஆர்​.ஆ​திஷ் 38 பந்​துகளில், 2 சிக்​ஸர்​கள், 7 பவுண்​டரி​களு​டன் 53 ரன்​கள் விளாசி​னார். முகமது அலி 57, மானவ் பராக் 57, பூபதி வைஷ்ஷ குமார் 37, ஆர்​.கே.ஜெயந்த் 32 ரன்​கள் சேர்த்​தனர். உத்தர பிரதேச அணி தரப்​பில் பிர​சாந்த் வீர் 3 விக்​கெட்​களை கைப்​பற்​றி​னார். 298 ரன்​கள் இலக்​குடன் பேட் செய்த உத்தரபிரதேசம் அணி 47.5 ஓவர்​களில் 241 ரன்​களுக்கு ஆட்டமிழந்தது.

அதி​கபட்​ச​மாக பிர​சாந்த் வீர் 65 பந்​துகளில், 5 சிக்​ஸர்​கள், 7 பவுண்​டரி​களு​டன் 87 ரன்​கள் விளாசி​னார். சமீர் ரிஸ்வி 41 ரன்​கள் சேர்த்​தார். தமிழக அணி சார்​பில் முகமது அலி 46 ரன்​களை விட்டுக்​கொடுத்து 5 விக்​கெட்​களை வீழ்த்​தி​னார். 56 ரன்​கள் வித்தியாசத்​தில் வெற்றி பெற்ற தமிழக அணி முதன்​முறை​யாக சாம்பியன் பட்​டம்​ வென்​றது.