தமுஎகச ஓய்வூதியர் கிளை மதுரை மாநகர் சார்பில் பாராட்டு விழா மற்றும் கருத்தரங்கம்

தமுஎகச ஓ்ய்வூதியர் கிளை தலைவர் வெ.சங்கரலிங்கம் தலைமையில் 29.11.25 காலை நடைபெற்றது.கிளைச்செயலாளர் முனைவர் சு கிருஷ்ணன் வரவேற்புரை நிகழ்த்தினார்.ஜீவமணி பாடல்கள் பாடினார்.

வாசிப்பை நேசிப்போம் இலவச நூலக பொறுப்பாளர் அ.முகமது இப்றாகீம் மற்றும் தெய்வத்தாய் மாதரி குறுங்காப்பிய அந்தாதி நூலாசிரியர் அ.முத்துவேலன் ஆகியோரை  அவர்களது சமூக பணி மற்றும் தமிழ் வளர்ச்சிப்பணிக்காக தமிழ்நாடு அரசு அனைத்து துறை ஓய்வூதியர் சங்கத்தின் மதுரை மாவட்ட தலைவர் மு.பரமேஸ்வரன் பாராட்டி கௌரவித்தார்.

மேலும் எதிர்கொள்வோம் எஸ்ஐஆர் ஐ என்ற தலைப்பில் எஸ்.முத்துராமலிங்கம், தொழிலாளர் நலச்சட்ட திருத்தங்களும் ஓய்வூதியர்களும் என்ற தலைப்பில் கோவிந்தராஜ் அவர்களும் கருத்துரையாற்றினர்.

அடைக்கன், மதுரைசுகி, பாலமுருகன் , மதுரை மணி ஆகியோர் கவிதை வாசித்தனர்.தமுஎகச வின் மாவட்ட செயலாளர் பூ.பாண்டிய முத்துக்குமரன் மற்றும் தமிழ்நாடு அரசு அனைத்து துறை ஓய்வூதியர் சங்கத்தின் மாவட்ட செயலாளர் அ.பால்முருகன் ஆகியோர் வாழ்த்துரை வழங்கினர். வாசிப்பை நேசிப்போம் இலவச நூலக பொறுப்பாளர் அ.முகமது இப்றாகிம் ஏற்புரை வழங்கினார்.கிளை பொருளாளர் ஜி.உதயகுமார் நன்றி கூறினார்.இக்கூட்டத்தில் மாநிலக்குழு உறுப்பினர் அ.நா.சாந்தாராம் உள்ளிட்ட 26 பேர் கலந்து கொண்டனர்.

வெ.சங்கரலிங்கம் கிளை தலைவர் முனைவர் சு கிருஷ்ணன் கிளை செயலாளர் தமுஎகச ஓய்வூதியர் கிளை.