நந்தவனம்.....

வைகை ஆற்று கரையோரமாய் காலி இடத்தில் முட் செடிகள் மண்டிப் போய் அடர்த்தியாய் இருந்த பகுதியை பார்த்த

 சாகுல்,சுஷ்மிதா,காளிஸ்வரன்,நிர்மல்,காருண்யா ஒன்றுகூடிய இவர்கள் பள்ளி விடுமுறை நாளில் "என்ன விளையாடலாம்" என யோசித்தபடி அந்த இடத்தைப் பார்த்தனர். 

"டேய் காளி இந்த இடத்தை சுத்தம் செய்து விளையாட வைத்து கொள்வோமா...?"சுஷ்மிதா கேட்டாள்

அக்கம் பக்கம் சுற்றி பார்த்தவன் 

"என்னடா பார்க்கிற.."எனக் கேட்டாள் காருண்யா,

"பக்கத்திலே இருக்கிறவங்க இடமா இருக்குமோன்னு பார்த்தேன் "என்றான் காளி 

"அவங்க வீட்டோட இடம்ன்னு கல் ஊண்டி வைத்திருக்கிறார்கள் பாரு"

"ஆமா...அந்த கல்லில் இருந்து கால்வாய் கரை வரை சுத்தம் செய்திடலாம் "என்று சாகுல் சொல்லவும்

 மற்ற நான்கு பேரும் "சரியென கோரசா.." சொன்னவர்கள்

 கால்வாய் ஓரமாக கிடந்த சின்ன பெரிய கருவக்கட்டைகளை எடுத்துக் கொண்டு காய்ந்து போன

சின்னச் செடிகள், முட்கள்,எல்லாவற்றையும் கட்டையால் உடைத்து கட்டையிலேயே மொத்தமாக அள்ளி வேலி அமைத்தனர் .

வேப்பங்கன்றுகள்,

பனைமரம் கன்றுகள்,

ஆங்காங்கே பச்சையாக இருந்த செடிகளை விட்டு விட்டு மற்ற காய்ந்து போனவற்றை எல்லாம் சுத்தம் செய்தனர், 

" இப்போ,இந்தச் செடிகளுக்கு தண்ணீர் வேணும்,

இனி என்ன செடிகள் வைக்கலாம் பூச் செடிகள் வைக்கலாம், எல்லா செடிகளும் வைக்கலாம் , அதுக்கு தண்ணீக்கு என்ன செய்யலாம் "என ஒவ்வொரு வரும் பேசிக்கொண்டே வரும் போது

 இரண்டு தெருக்களுக்களில் இருந்து வரும் கழிவு நீர்,சேர்ந்து ஒரே கால்வாயாக ஆற்றுக்கு வருவதைப் பார்த்தவர்கள் 

"இந்த தண்ணீரை எடுத்து ஊத்துவோம்" என்று நிர்மல் சொல்லவும்

 "அய்யே...ச்சீய்..

இதையா வேண்டாம்டா" என காருண்யா சொல்லவும்,

"இதுக்கு என்ன ஐடியா ன்னு காலையில முடிவு பண்ணுவோம், இப்போ வாங்க வீட்டுக்கு போகலாம் " எனச் சொல்லிக் கொண்டே அவரவர் வீட்டிற்கு சென்றனர் 

காலை விடியல் கலவரத்துடன் சூரியன் உதித்தெழுந்தான் 

சிறுவர்,சிறுமியர் சுத்தம் செய்த இடத்தை பெரியவர் ஒருவர் பார்வை சுற்றும் முற்றும் பார்த்ததை ஒரு சிறுவன் மறைவாய் பார்த்துக் கொண்டு இருந்தான் 

"என்னடா நிர்மல்" எனக் கேட்டுக் கொண்டே காளி வந்தான் 

"இவர் எதுக்குடா இங்கே வந்து பார்க்குறாரு "

"டேய் அந்த கல் நிக்குதே அதுவரை இவருடைய இடமா இந்த வேப்பமரம் பனைமரம் கால்வாய் மேடு வரை அரசாங்க இடம் இதையும் சேர்த்து அவர் சேர்த்திருக்காரு" ன்னு சொல்லவும் "இப்போ என்னடா காளி செய்றது "

அப்போது சிறிய குடம் பிளாஸ்டிக் வாளி எடுத்துக் கொண்டு காரூண்யா வந்தாள் 

"நிர்மல்,காளி நீங்க எதுவும் கொண்டு வரலையா "என்றாள்

சாகுல் ஹோஸ் பைப் எடுத்துக் கொண்டு வந்தான்" இது எதுக்குடா இது வச்சு ஒண்ணும் பண்ண முடியாதுடா" "இப்போதைக்கு அந்த டாங்கில் இருந்து குடத்தில் தண்ணீர் எடுத்து ஊற்றவோம்"

வந்திருந்த சிறுவர் சிறுமியர்கள் சேர்ந்து சின்டெக்ஸ் டாங்கிலிருந்து கொண்டு வந்த குடம், வாளிகளில் தண்ணீர் நிரப்பி தூக்கிக் கொண்டு வந்து முளைத்து வந்திருந்த செடிகளுக்கு பள்ளம் தோண்டி தண்ணீரை ஊற்றி அணை போட்டனர் 

அப்போ...

 "டே..டே..வாண்டுகளா

இங்கே என்னடா பண்றிங்க" ன்னு கேட்டுக் கொண்டே காலி இடத்தின் பக்கத்து வீட்டுக்காரர் வந்தார் 

தண்ணீரை ஊற்றிக் கொண்டு இருந்தவர்கள் 

நின்றனர் 

"டே..நிர்மல் கோகுல் எங்கேடா "என காருண்யா கேட்க

 "அவரோட பேரன் அவன வரவிடாமல் தடுத்திருப்பாரு"

"இப்போ..என்னடா பண்றது"

அருகில் வந்தவர் 

"டேய் எல்லோரும் இடத்த காளி பண்ணு இன்னும் கொஞ்ச நேரத்தில் இந்த இடத்த சுற்றி வேலி போடப்போறேன் எல்லாத்தையும் எடுத்துட்டு கிளம்பு "

என விரட்டியவரிடம்

 "தாத்தா... தாத்தா விளையாடுறதுக்கு இடமில்லைன்னு தானே ஆற்றோரத்தில் இந்த இடத்தில் சுத்தம் செய்தோம் இங்கேயும் விளையாடக் கூடாதுன்னா வேற நாங்க எங்கே போறது " என காருண்யா கேட்க,

"அவங்க அவங்க வீட்டில போய் விளையாடுங்க இங்கே எல்லாம் விளையாடக் கூடாது"

என்று வாளி குடத்தை எல்லாம் காலால் எட்டி உதைத்தார் 

"யோவ்...சின்னச்சாமி சின்னப் பிள்ளைகள் விளையாடனும்னு ஆசப்படுதுக அதுக பாட்டுக்கு நம்மல தொந்தரவு பண்ணாம இருப்பாங்கய்யா" என்று சிறுவர்களுக்கு பரிந்துரை செய்தார் பெரியவர் 

"யோவ்... அடிக்கடி வந்து தொந்தரவு பண்றே பேசாம போயிடு" 

என்று பெரியவரையும் சத்தம் போட்டு விரட்டினர் சிறார்கள் செவ்வதறியாது ஒருவரை ஒருவர் பார்த்துக் கொண்டு இருக்கும் போது 

"கழுதைகளா... எங்கிருந்து வந்து இங்கே விளையாட வருவீங்க" ன்னு நிர்மலையும் காருண்யாவையும் அடித்தார்

அப்போது 

"எதுக்கு பிள்ளைகளை அடிக்கிறிங்கன்னு" குரல் கேட்டு திரும்பினார் நாலைந்து பேருடன் காவலரும் நின்றிருந்தவர்களைப் பார்த்ததும் ஆ... கலெக்டரம்மா..என்று மனதில் எண்ணியவர்

"என்னுடைய இடத்திற்கு வரக்கூடாதுன்னு "

என்றார்.

"இல்லங்கம்மா இவரு ஆத்தோரம் உள்ள புரோபோக்கு இடத்த அவரோட இடத்தோடு சேத்துக்கிட்டாரு" 

என்று பெரியவர் சொல்லவும் 

,அம்மா...விளையாடு வதற்கு இடமில்லைன்னு இந்த இடத்த சுத்தம் பண்ணி,இந்த செடிகளுக்கு தண்ணீர் ஊற்றிக் கொண்டு இருந்தோம் இவரு வந்து விரட்டுறாரு"என சிறுமிகள் சொல்ல, "இந்த இடம் அவருடைய இடமா..? என பக்கத்தில் இருந்தவரிடம் கேட்க ,

"சிண்டெக்ஸ் டாங்க் பக்கத்துல ஒரு கல்லுக்கால் இருக்கிறதில் இருந்து இங்கே நேர் எதிரே வேலி போட்டு வைத்திருக்கிறவரை கால்வாய் கரை மேடம் " என்றார் 

"இந்த ஆற்றுக் குறுக்கே தடுப்பனை கட்டுவதற்கு முன் இந்த கரை முழுவதையும் சீர் படுத்திடச் செய்யுங்க , இந்த இடத்தை நல்லா சுத்தப்படுத்தி பூங்கா அமைத்திடுங்க ,சிண்டெக்ஸில் இருந்து குழாய் போட்டுக் கொடுங்க, பாப்பா உன்னை அடிச்ச இவரை என்ன செய்யலாம்" என்று "தாத்தா...பாவம்,மன்னிச்சு விட்டுறலாம்"

என்று சொல்ல 

"இவருகிட்ட எழுதி வாங்கிடுங்க ஒரு காப்பிய எனக்கு அனுப்புங்க இன்னொரு காப்பிய காவல் நிலையத்தில் வையுங்க, 

அரசுக்கு சொந்தமான இடங்கள நடைபயிற்சி போவதற்கு ஏற்பாடு பண்ணுங்க "என்று சொல்லி "பாப்பா இனிமே யாராவது உங்களுக்கு தொந்தரவு செய்தால் காவல் நிலையத்துக்கு போய்ச் சொல்லுங்க" ன்னு சொல்லி விட்டு செல்லவும் 

சிறார்கள் எல்லோரும் மகிழ்ச்சி அடைந்தார்கள் நந்தவனமாய் காட்சி தந்த அந்த இடத்தைப் பார்த்து பழைய நினைவில் முழ்கிய காருண்யா கண்களில் ஆனந்தக் கண்ணீர் தழும்பியது 

நல.ஞானபண்டிதன்