வாசகர் கடிதம் (கவி-வெண்ணிலவன்) 28.11.25

இன்றைய தமிழ்நாடு இ பேப்பரில் நலம் தரும் மருத்துவம் பகுதியில் சமையலுக்கு சுவையூட்ட பயன்படுத்தப்படும் கிராம்பு மருத்துவ குணம் நிறைந்து ஒரு பொருள் என்பதை படித்த போது ஆச்சரியப்பட்டு போனேன். தினமும் இந்த பகுதியில் மருத்துவ குணம் கொண்ட பழங்கள் மற்றும் பொருள்களைப் பற்றி மிக தெளிவான கட்டுரைகள் வாசகர்களுக்கு நல்ல பயனுள்ள பகுதியாக இருந்து வருகிறது. .அதற்காக ஆசிரியர் குழுவையே எவ்வளவு பாராட்டினாலும் தகும். சிறுகதை பகுதியில் ராஜநடை சிறுகதை எழுதிய முகில் தினகரன் தமிழ்நாடு இ பேப்பரில் 200 சிறுகதைகளையும் தாண்டி சாதனை படைத்து வரும் அவரது சிறுகதைகள் ஒவ்வொன்றும் மிகச் சிறப்பாக உள்ளன. ஆன்மீகக் களஞ்சியம் பகுதியில் புகழ் சோழ நாயனார் கதை படித்தேன். புகழ் சோழ நாயனார் புனித சாம்பலை உடலில் தடவிக்கொண்டு நெருப்பில் நுழைந்த யாகம் அவரது சிவத்தொண்டை சொல்லும் வகையில் அமைந்திருந்தது. ஒவ்வொரு வாரமும் ஒரு நாயனாரின் வரலாற்றை படிக்கின்ற பொழுது ஆன்மீக சிந்தனை மனதில் பதிய வைக்கின்றது.

கவி-வெண்ணிலவன்

மணமேல்குடி