' திக்..திக்.. திக்..திக்..திக்....!

நள்ளிரவு நேரம். ஆள் அரவமற்ற சந்து. குரு சந்தைக் கடந்து தெருவில் திரும்பியபோது சடாரென்று எதிரில் வந்து நின்றான் ஒருவன் ! அவன் கையில் துப்பாக்கி! கண்களைச் சுற்றி கர்சீப் கட்டியிருந்தான்.

குரு அரன்றுபோனான். " யாரப்பா நீ ? 

உனக்கு என்ன வேண்டும் ?" பயத்தில்

உடல் வேர்த்தது ! 

" உன் உயிர் வேண்டும் ! " என்று அவன் சொல்ல பீதியில் குருவின் உடல் ஆடத்தொடங்கியது.

" என்னப்பா இது ! கடையில் வெல்லம்

வேண்டும்னு கேட்பதுபோல் இருக்கு !"

கொஞ்சம் தைரியத்தை வரவழை த்துக் கொண்டு கேட்டான். " ஆமாம் ! நீ யார். எதுக்கு கண்ணைச் சுத்தி கர்சீப் கட்டியிருக்கே ?" குருவுக்குள் சிந்தனை ஓடியது.சட்டென நியாபகம் வந்தது. குரல் யாருடையது என்பது 

தெரிந்தது. கலாவின் அண்ணன் மகேந்திரனின் குரல்தான் அது ! 

" ஏய், நீ கலாவோட அண்ணன் மகேந்திரன்தானே ?" குரு கேட்க கண்ணைக் கட்டியிருந்த கர்சீப்பை அவிழ்த்தான். " பரவாயில்ல நீ கெட்டி க்காரன்தான்!" என்றான் மகேந்திரன்.

உடனே பயம் அகல சிரித்த குரு, " ஏதா

வது டிராமாவுல நடிக்க ரிகர்ஸல் பண் ணுறியா ?" 

" டேய் ! டிராமாவெல்லாம் இல்லை. உண்மையிலேயே உன்னைக் கொல் லத்தான் போறேன் !" 

திடுக்கிட்டான் குரு. "விளையாடறயா? எதுக்கு நீ என்னைக் கொல்லணும்.?" 

நீ என்னைக் கொல்லும் அளவுக்கு நான் அப்படியென்ன தப்பு செய் தேன்..." குரலில் நடுக்கம் இருந்தது ! 

" படுபாவி ! ஒண்ணுமே தெரியாத மாதிரிநடிக்கிறயே....என் தங்கையை ஒரு வருஷமா காதலிச்சிட்டு இன்னி க்கு வேற ஓரு பெண்ணைக் கல்யா ணம் செய்ய முடிவெடுத்திருக்கியே ! நீ ஒரு நம்பிக்கை துரோகி ! நீ சாகத் தான் வேண்டும் !" துப்பாக்கியை குருவின் மார்புக்கு நேராக குறிவை த்தான் மகேந்திரன்.

பீதியுடன் பின் வாங்கிய குரு, " "மகேந்திரா, ப்ளீஸ் நான் சொல்றதை 

கொஞ்சம் காது கொடுத்து கேளு. சூழ்நிலை அப்படி ! இப்போ நான்

மனசு மாறிட்டேன். உன் தங்கையை யேக் கட்டிக்கிறேன். இது உறுதி !" 

இரு கை குவித்து கண்களில் நீர் 

மல்க கெஞ்சினான் குரு.

வாய் விட்டுச் சிரித்த மகேந்திரன், 

" டேய், உன்னைப் பற்றி எனக்குத் 

தெரியும் . சந்தர்ப்பவாதி நீ ! என் 

கையில் துப்பாக்கி இருக்கறதைப் 

பார்த்துட்டு கபட நாடகம் ஆடுறே .

உன் வார்த்தையை நான் நம்பத் தயா 

ராயில்லை. ஸோ மகனே நீ சாகத் 

தான் வேண்டும். " குறி பார்த்தான்.

" நோ !" அதிர்ச்சியில் மேலும் பின் வாங்கினான் குரு. " பேசி தீர்க்கலா ம்ப்ளீஸ்..." அதை கொஞ்சமும் காதில் வாங்கிக் கொள்ளாமல் 'டுமீல் ' சுட்டான். இரத் தம் சொட்ட சொட்ட தன் மார்பை பிடித்துக் கொண்டே தரை யில் சாய்ந்தான் குரு. கண்கள் இரு ட்டிக் கொண்டு வர, மகேந்திரன் சட்டென ஓடும்போது ரவுண்ட்ஸில் இருக்கும் இரண்டு கான்ஸ்டபிள்கள் நடந்ததைக் கண்டு மகேந்திரனை அமுக்கிப் பிடித்தனர். கடைசி காட்சியாக இது தெரிய, திருப்தி கலந்த புன்னகையுடன் நிரந்தரமாக 

கண் மூடினான் குரு.

திடுக்கிட்டு கண் விழித்த குருவின் உடல் பூராவும் வேர்வைக் குளியல் ! ' சே ! என்னவொரு பயங்கரமான கனவு ! சுவற்றில் மாட்டியிருந்த கடிகாரத்தை பார்த்தான். மணி அதிகாலை ஐந்து என்று காட்டியது.

' அதிகாலை கண்ட கனவு பலிக்கும்' யாரோ எப்பொழுதோ சொன்னது இப்பொழுது நியாபகத்தில் வர பயம் வந்து முழுமையாகத் தொற்றிக் கொண்டது.

' கலா வேற ஜாதி ! அவளை நீ கட்டி க்கக்கூடாது ' அம்மா சமீபத்தில் திட்ட வட்டமாகச் சொன்னதும் நினைவில் வந்தது.அதனால் தரகர் கொண்டு வந்த ஒரு ஜாதகம் பொருந்த அந்த ஜாதகத்துக்கரிய பெண்ணை இரண்டொரு நாளில் போய்ப் பார்

ப்பதாக முடிவு செய்திருந்தான் குரு.

கண்ட கனவால் இப்போது மனம் மாறினான் குரு. இனி கலாதான் தன் வாழ்க்கைத் துணைவி என்கிற திடமான முடிவும் அவன் மனத்தில் எழுந்தது !

வி.கே.லக்ஷ்மிநாராயணன்