Breaking News:
எங்கள் ஊர் ஆத்தங்குடியானது சிவகங்கை மாவட்டத்தில் உள்ள காரைக்குடி வட்டம், சாக்கோட்டை ஊராட்சி ஒன்றியத்த்தில் உள்ள பி. முத்துப்பட்டிணம் ஊராட்சியில் அமைந்த கிராமம் ஆகும். இது காரைக்குடியிலிருந்து 16 கிலோ மீட்டர் தொலைவில் உள்ளது. ஆத்தங்குடி ஊராட்சி, திருப்பத்தூர் சட்டமன்றத் தொகுதிக்கும் சிவகங்கை மக்களவைத் தொகுதிக்கும் உட்பட்டதாகும். இந்த ஊராட்சி, மொத்தம் 7 ஊராட்சி மன்றத் தொகுதிகளைக் கொண்டுள்ளது. இவற்றில் இருந்து 7 ஊராட்சி மன்ற உறுப்பினர்களைத் தேர்ந்தெடுக்கின்றனர்.
ஆத்தங்குடி கிழக்கு நோக்கி அரிமளம் தொகுதி, தெற்கு நோக்கி சாக்கோட்டை தொகுதி, மேற்கு நோக்கி திருப்பத்தூர் தொகுதி, தெற்கு நோக்கி கல்லல் தொகுதி ஆகியவற்றால் சூழப்பட்டுள்ளது.
காரைக்குடி, புதுக்கோட்டை, சிவகங்கை, பேராவூரணி ஆகியவை ஆத்தங்குடிக்கு அருகில் உள்ள நகரங்கள்.
ஆத்தங்குடி சாலையில் இருந்து பலவான்குடி வழியாக குன்றக்குடிக்கும், காரைக்குடிக்கும், தி.சூரக்குடி வழியாக திருச்சி-ராமேசுவரம் பைபாஸ் சாலைக்கும் ஏராளமான கார்கள், கனரக வாகனம், பஸ்கள் உள்ளிட்ட வாகனங்கள் சென்று வருகின்றன.இங்கு பிரமாண்ட பங்களா வீடுகள் உள்ளதால் நாள்தோறும் ஏராளமான வெளிநாட்டு சுற்றுலா பயணிகள் இங்கு வந்து இந்த பங்களாக்களை பார்த்து செல்கின்றனர். இதுதவிர இங்கு பல்வேறு சினிமா படப்பிடிப்புகளும் நடந்து வருகிறது.
ஆத்தங்குடி முத்துப்பட்டினம் லோகநாயகி அம்மனகோயில் பூச்சொரிதல் விழாவை முன்னிட்டு பக்தர்கள் பால்குடம் எடுத்தும் அலகு குத்தியும் நேர்த்திக்கடன் செலுத்துவர்.
எங்கள் ஆத்தங்குடியில் புகழ்பெற்ற சுந்தரேஸ்வரர் திருக்கோயில் என்னும் சிவன் கோயில் உள்ளது. மூலவர் சுந்தரேஸ்வரர் என்றும் தாயார் மீனாட்சி என்றும் அழைக்கப்படுகிறார் . இக்கோயிலைப் பற்றி தேவாரப் பாடல்களில் குறிப்பிடப்பட்டுள்ளதால் இந்தக் கோயில் தேவார வைப்புத்தலம் என்று போற்றப்படுகிறது. கோவிலின் பிரதான நுழைவாயிலுக்கு வெளியே அமைந்துள்ள பிரம்மாண்டமான கோவில் குளம் நன்கு பராமரிக்கப்பட்டு வருகிறது, நான்கு மூலைகளிலும் கட்டிடக்கலை வேலைகள் மற்றும் அனைத்து கார்டினல் திசைகளிலும் குளத்திற்கு செல்லும் படிகளுடன். சேர்த்து நன்கு பராமரிக்கப்படுகிறதுஇது விசாலமான முற்றம் கொண்ட சற்றே பெரிய கோயிலாகும். ஏழு நிலை ராஜகோபுரத்துடன் கிழக்கு நோக்கிய ஆலயம். கோவில் நுழைவாயிலில் முருகன் மற்றும் விநாயகர் சன்னதிகள் உள்ளன. கோயிலுக்கு எதிரே பெரிய கோயில் குளம் உள்ளது. உள் பிரகாரத்தின் நுழைவாயிலில் மற்றொரு மூன்று நிலை கோபுரம் உள்ளது.
நாட்டுக்கோட்டை நகரத்தார சமூகத்தினரின் புகழ்பெற்ற ஆத்தங்குடி அரண்மனைகள் மற்றும் பூக்கற்களுக்கு பெயர் பெற்றது
செட்டிநாடு பகுதியில் உள்ள இக்கிராமம், கையால் செய்யப்படும் செம்மண் ஓடுகளுக்கு மிகவும் பெயர் பெற்றது; ஏனெனில், இவ்வகை ஓடுகள்இங்கு மட்டுமே செய்யப்படுகின்றன.
இவ்வோடுகள், சிமின்ட், மணல், ஸிந்தட்டிக் ஆஃஸைடுகள் மற்றும் பெல்லி ஜெல்லி ஆகியவற்றை உபயோகித்து செய்யப்படுகின்றன. இந்த ஓடுகள், முதலில் வடிவமைக்கப்பட்டு, வெயிலில் காய வைக்கப்பட்டு, பின் கண் கவர் கலை வேலைப்பாடுகள் செய்யப்படுகின்றன.
இவ்வேலைப்பாடுகளோடு, பல வித வண்ணங்களும் இவற்றின் அழகைக் கூட்ட உபயோகப்படுத்தப்படுகின்றன.இவ்வேலைப்பாடுகள் தான் இவ்வோடுகளுக்கு, அதன் தனிச்சிறப்பான கட்டமைப்பைக் கொடுக்கிறது.இந்த டைல்ஸ்கள் இயந்திரப் பயன் பாடின்றி தயாரிக்கப்படுகிறது. மேலும் வாடிக்கையாளர்களின் உடல் நலனுக்கு முக்கியத்துவம் கொடுக்கப்படுகிறது. இந்த டைல்ஸ் கோடையிலும், குளிர் காலத்திலும் அறையின் வெப்பநிலையைச் சமநிலையில் வைத்திருப்பது தனிச்சிறப்பு. நகரத்தார் மட்டுமே பயன்படுத்தி வந்த இந்த கற்களை விலை குறைவு, நீண்டகாலம் உழைக்கும் திறன், மங்காத வண்ணம், உடல் நலத்தை பாதிக்காதது போன்ற காரணங்களால் அனைத்துத் தரப்பினரும் உபயோகப்படுத்தத் தொடங்கினர்.இங்கு தயாராகும் டைல்ஸ்கள் தமிழகம் மட்டுமின்றி கர்நாடகம், கேரளா உள்ளிட்ட வெளி மாநிலங்களுக்கும், சிங்கப்பூர், மலேசியா, இலங்கை, பிரான்ஸ் உள்ளிட்ட நாடுகளுக்கும் அனுப்பப்படுகின்றன
புகழ் பெற்ற ஒரு அரண்மனையும் எங்கள் ஆத்தங்குடியில் அமைந்துள்ளது.
தமிழ்நாட்டில் காரைக்குடி, பள்ளத்தூா், ஆத்தங்குடி மற்றும் கோதமங்களம் பகுதிகளில் போன்ற பகுதிகளில் செட்டிநாடு வீடுகள் உள்ளன. அவை அரண்மனையைப் போல் அமைந்துள்ளன. மிகுந்த வேலைப்பாடு மற்றும் இறக்குமதி செய்யப்பட்ட உயா் வகை மரங்கள் மற்றும் கண்ணாடி வேலைப்பாடுகளுக்கு அவை புகழ் பெற்றவையாகும்.
உலகத்தர கட்டட கலைக்கு இணையாக செட்டிநாட்டில் 7 ஆயிரம் பங்களாக்கள் உள்ளதாகக் கூறுவர். 80 முதல் 200 ஆண்டுகளுக்கு மேல் ஆகியும் அவை புதுப்பொலிவுடன் செட்டிநாடு பங்களாக்கள் எனப்படுகின்ற அந்த அரண்மனைகள் மிகவும் கம்பீரமாக உள்ளன. செட்டிநாடு பகுதியில் நகரத்தார்கள் பல நாடுகளுக்குச் சென்று, கடல் கடந்து வியாபாரம் செய்துள்ளனர். இருந்தபோதிலும் அவர்கள் சொந்த ஊரில், தாம் சென்று வந்த நாடுகளின் கட்டட கலைகளை நுணுக்கமாக அறிந்துகொண்டு, உலகத் தரம் அமைந்த கட்டடக்கலையை எதிர் கொள்கின்ற வகையில் மிகப் பெரிய அரண்மனைக் கட்டடங்களை நிர்மாணித்தள்ளனர். அவற்றைக் கட்டுவதற்கு சுண்ணாம்பு கலவை, கருப்பட்டி, கடுக்காய்களை செக்கில் அரைத்து முட்டை வெள்ளைகரு கலந்த கலவை போன்றவற்றைப் பயன்படுத்தியுள்ளனர். இவ்வாறான கூறுகளே அரண்மனையின் சுவற்றுக்கு பளபளப்பையும், உறுதியையும் தருகின்றன. சிறிய பங்களா 40 அடி அகலம், 120 அடி நீளத்திலும், அரண்மனை போன்ற பங்களா 60 அடி அகலம், 200 அடி நீள இடத்தில் கலைநயத்துடன் கட்டப்படுவது இப்பகுதியின் முக்கியமான அம்சமாகக் கருதப்படுகிறது. மின்விசிறி இல்லாமல் இதமாக இருக்கும் அளவிற்கு அவை அமைக்கப்பட்டுள்ளன. சில அரண்மனைகளின் முகப்பில் நுழைந்து பின் வாசல் வழியே வெளியேற அரை கி.மீ., தொலைவிற்கு நடக்க வேண்டிய சூழல் உள்ளது. பங்களாவின் நுழைவு வாயில் நிலைக்கதவு பர்மா தேக்குகளைக் கொண்டு அமைக்கப்பட்டவையாகும். தரையில் ‘டச்சு’ நாட்டில் இருந்து கொண்டுவரப்பட்ட பளிங்கு கற்கள் காணப்படுகின்றன. மேலும் ஆத்தங்குடி டைல்ஸ் எனப்படுகின்ற கற்களையும் அவர்கள் பதித்துள்ளனர். பங்களாவின் உட்புறமேற்கூரையானது சந்திரவட்ட பிறை வடிவில் தேக்கு மரங்களைக் கொண்டு அமைந்துள்ளது. அவற்றில் உள்ள யாழி, யானை போன்ற சிற்பங்கள் காண்போரைக் கவரும் வகையில் அமைந்துள்ளன. மேற்கூரை சுவற்றில் மதுரை மீனாட்சி அம்மன் கோயில், ராமேஸ்வரம் கோயிலைப் போன்ற ஓவியங்கள் வரையப்பட்டுள்ளன. அவை ஆன்மிக சுற்றுலாத் தலங்களின் மீதான அவர்களின் ஈடுபாட்டை வெளிப்படுத்தவதோடு, ‘பச்சிலை ஓவியம்’ அவர்களின் ஆன்மிக ஈடுபாட்டை வெளிப்படுத்துகிறது. தரை தளத்த்தில் சுவற்றில் பொருத்தப்பட்டு அமைக்கப்படுகின்ற ஜப்பான் ‘பூ’ பாணியில் அமைந்த கற்கள் அழகுக்கு மெருகூட்டுகின்றன. அறையின் மேற்கூரையில் தேக்கு மரங்கள் உள்ளன. அவற்றைத் தாங்கும் வகையில் ‘பொருசு’ மர தூண்கள் கம்பீரமாகக் காணப்படுகின்றன. மேற்கூரையில் பொருத்தப்பட்டுள்ள லண்டன் ஓடுகள் மழைக்காலத்தில் சேகரமாகும் மழை நீரை விரயம் ஆக்காமல் ஆள் உயர அண்டா போன்ற கிடாரத்தில் சேகரிக்கின்றன. மழை நீர் சேகரிப்பை பல நூற்றாண்டுகளுக்கு முன்பே அவர்கள் அறிமுகம் செய்து வைத்துள்ளனர்
பல வண்ண வடிவங்களால் ஆன டைல்ஸ் கற்களை இந்த அரண்மனையில் காணமுடியும். சுற்றுச்சூழல் நட்பு, குறைந்த அளவிலான நீர் உறிஞ்சு திறன், பரிமாண துல்லியம் மற்றும் நீண்ட ஆயுளைக் கொண்ட கற்களைக் கொண்டு இந்த அரண்மனை கட்டப்பட்டுள்ளது. இந்த அரண்மனை சிறிய நுழைவாயிலைக் கொண்டு அமைந்துள்ளது. உள்ளே படிகளில் ஏறும்போது இரு பக்கங்களிலும் முற்றம் போன்ற அமைப்பு உள்ளது. அடுத்து இரு புறங்களிலும் பெரிய திண்ணைகள் காணப்படுகின்றன. தேக்கு மரத்தால் ஆன பெரிய கதவுகள் உள்ளன. கதவுகளில் கண்ணாடிகள் பொருத்தப்பட்டுள்ளன. அந்த கதவுகளைக் கடந்து உள்ளே சென்றதும் அரண்மனையில் உள்ள தோற்றத்தைத் தருகின்ற பெரிய செவ்வக வடிவிலான அறை அமைந்துள்ளது. அதன் கோயிலின் அமைப்பைப் போன்ற கட்டுமானங்கள் காணப்படுகின்றன. மேல் கூரையில் ரசாயனக் கலவையைக் கொண்டு தீட்டப்பட்ட ஓவியங்கள் காணப்படுகின்றன. உள் பகுதியில் செல்லும்போது அங்கே நடுவில் முற்றம் போன்ற அமைப்பு உள்ளது. அதனைச்சுற்றி அமைந்துள்ள கூடத்தின் வலது மற்றும் இடது புறங்களில் பல சிறிய அறைகள் காணப்படுகின்றன. ஒவ்வொரு அறைக்கும் இடையே ஜன்னல்கள் காணப்படுகின்றன. ஜன்னல்களின் மேல் பகுதியில் ஓவியங்கள் தீட்டப்பட்டுள்ளன. அடுத்த நிலையைத் தாண்டிச் செல்லும்போது அடுத்தள்ள தளத்திலும் இவ்வாறான அமைப்புகள் காணப்படுகின்றன. சுவற்றிலும், கூரையிலும், ஜன்னல்களிலும் பலவித ஓவியங்கள் உள்ளன.
-RENGARAJ
S.R.PURAM