tamilnadu epaper

செவிகள் திறக்கட்டும்

செவிகள் திறக்கட்டும்


சிந்தனைச் செவிகள் சீராய் திறக்கட்டும்

நிந்தனை செய்வார் 

நிர்மூலக் குரல்கேட்க


அகந்தனை ஒதுக்கி அபயக்குரல் கேட்க

ஆள்வோர் செவிகள் 

அகலத் திறக்கட்டும்


காதகர் செய்யும்

பாதகச் செயல்கேட்க

சாதகம் செய்யும்

சண்டாளர் அழிய


மேதகு மேலோர் 

போர்வை விலகட்டும்

மேதினியில் வாழ்வோர்

மேன்மை பெறட்டும்


சாதனைச் சிங்கங்கள்

சடுதியில் உயர 

வேதனைத் திரைகள்

விரைந்து விலகட்டும்


வந்தனை செய்வோர் வாழ்த்தினைக் கேடக

வாளிப்பு மடலும் 

வாகாய் திறக்கட்டும்


இணைய இரவுகள் இனிதாய் மலரட்டும்

பிணைய வாழ்வு பீடுபெற

வளரட்டும்


திக்குத் தெரியா காட்டில்

திண்டாடுவோர்

விக்கும் நிலையை விரைந்து விலக்கி


தீராப் பிணியும்

தீதுகளும் அகல

கேளாச் செவிகள் 

கேட்க திறக்கட்டும்.



-சிவ.சே. முத்துவிநாயகம்

திருநெல்வேலி