அகம​தா​பாத்​தில் 2030-ல் காமன்வெல்த் விளை​யாட்​டுப் போட்டி: அதி​காரப்​பூர்வ அறிவிப்பு

கிளாஸ்கோ: 2030-ம் ஆண்டு காமன்​வெல்த் விளை​யாட்​டுப் போட்டி குஜ​ராத் மாநிலம் அகம​தா​பாத் நகரில் நடை​பெறும் என அதி​காரப்​பூர்வ அறி​விப்பு நேற்று வெளி​யானது.

72 நாடு​களைச் சேர்ந்த வீரர், வீராங்​க​னை​கள் பங்​கேற்​கும் காமன்​வெல்த் விளை​யாட்டு போட்​டியை நடத்​து​வதற்​கான உரிமையை பெற இந்​தியா உள்பட பல்​வேறு நாடு​கள் போட்​டி​யிட்​டன.

கடந்த சில மாதங்​களுக்கு முன்பு காமன்​வெல்த் விளை​யாட்டு குழு​வினர் அகம​தா​பாத் நகரில் ஆய்வு நடத்​தினர். இந்​நிலை​யில், காமன்​வெல்த் போட்​டியை நடத்த இந்​தி​யா​வின் குஜ​ராத் மாநிலம் அகமதா​பாத் நகரம் தேர்வு செய்​யப்​பட்​டுள்​ளது. இந்​தி​யா​வில் 2030-ம் ஆண்டு காமன்​வெல்த் போட்​டிகள் நடத்த காமன்​வெல்த் கூட்டமைப்பு ஒப்​புதல் அளித்​துள்​ளது.

இதுதொடர்​பான அதி​காரப்​பூர்வ அறி​விப்பை வெளியிடுவதற்கான காமன்​வெல்த் விளை​யாட்டு பொதுக்​குழுக் ​கூட்​டம் இங்​கிலாந்​தின் கிளாஸ்கோ நகரில் நேற்று நடை​பெற்​றது. இந்​தக் கூட்​டத்​தில் காமன்​வெல்த் விளை​யாட்​டுப் போட்டி பொதுக்​குழு​வில் உள்ள 74 உறுப்​பினர்​கள், 2030-ம் ஆண்டு நடைபெறவுள்ள காமன்​வெல்த் விளை​யாட்​டுப் போட்​டியை அகமதா​பாத்​தில் நடத்த ஒப்​புதல் அளித்​தனர். இதையடுத்து 2030-ல் காமன்​வெல்த் விளை​யாட்​டுப் போட்டி நடை​பெறும் நகரம் அகம​தா​பாத் என அதி​காரப்​பூர்​வ​மாக அறிவிக்​கப்​பட்​டது.

இதுகுறித்து காமன்​வெல்த் விளை​யாட்டு அமைப்​பின் தலை​வர் டாக்​டர் டொனால்டு ருகாரே கூறும்​போது, “இளம் வீரர்​கள், லட்​சி​யம், வளமான கலாச்​சா​ரம், மகத்​தான விளை​யாட்டு ஆர்​வம், விளை​யாட்​டுப் போட்​டிக்​கான வசதி​களை இந்​தியா கொண்டு வந்துள்​ளது. 2030-ல் அகம​தா​பாத்​தில் காமன்​வெல்த் விளை​யாட்டு நடை​பெறும்” என்​றார்.

2036-ம் ஆண்டு ஒலிம்​பிக் போட்​டியை இந்​தி​யா​வில் நடத்​து​வதற்கு இந்​திய அரசு விருப்​பம் தெரி​வித்​துள்​ளது. போட்​டியை நடத்துவதற்கான நகரங்​களின் பட்​டியலில் அகம​தா​பாத்​தும் இடம்பெற்​றுள்​ளது. இதையடுத்து அங்கு ஒலிம்​பிக் போட்​டியை நடத்​து​வதற்​கான தரத்​துடன் மைதானங்​கள் மேம்​படுத்​தப்​பட்டு வரு​கின்​றன.

2030-ல் காமன்​வெல்த் விளை​யாட்டை நடத்​து​வதற்​கான உரிமையை பெறு​வ​தில் அகம​தா​பாத் நகருடன், நைஜீரியாவிலுள்ள அபுஜா நகரும் போட்​டி​யிட்​டது. ஆனால் காமன்​வெல்த் அமைப்பு அகம​தா​பாத்​தைத் தேர்வு செய்​துள்​ளது. முதல் காமன்​வெல்த் போட்டி கனடா​வின் ஹாமில்​டன் நகரில் நடை​பெற்​றது. இந்​தி​யா​வில் முதன்​முறை​யாக 2010-ம் ஆண்டு டெல்​லி​யில்​ காமன்​வெல்த்​ விளை​யாட்​டு​ப் போட்டி நடைபெற்றது.