அகல்விளக்கு

இருளகற்றி ஒளி தரும் 

களிமண் தாங்கி

கை வளைவுக்குக் கட்டுப்பட்டு 

கண்ணிறைக்கும் வடிவமாக 

கனலுள் வெந்து 

கடைகளில் வீற்றிருக்கும் 

வண்ணம் ஏற்று 

வடிவில் மாறும் சில நேரம்

எண்ணெய் வாங்கி

எரி திரி வழியே ஊடுருவி 

எழிலாய் ஒளி நல்கும்

இருக்கும் இடம் நிறைக்கும் எண்ணெய் 

கிடைத்ததை ஏற்கும் பஞ்சுதிரி

தன்னை உருக்கும் தீக்குச்சி 

இருப்பதை இழந்தும் 

 கிடைத்ததை ஏற்றும் 

சூழலின் பிடியை

நாம் பற்ற 

சூழும் இருள் போகும்

 என்பதற்குச் சான்று 

பரவிக் கிடக்கும் இருளும் 

பட்டொளி வீசும்

அறியாமை இருள் நீங்க 

அறிவெனும் அகல் விளக்கு 

அனுபவத்தில் வழிகாட்டும் 

கற்கும் கல்வி 

மடமை போக்கும்

பெரியோர் சொல் 

 பேதமை நீக்கும் 

அகல் விளக்கின் ஒளியாய்

 அகிலத்தில் நாம் மிளிர 

அறியாததை அறிவோம்

 அறிந்ததைப் பகர்வோம்.

************************************

தமிழ்நிலா