அம்புவிழிகள்

காலையில் கண்விழித்து கனிவுடல் குளிப்பாட்டி சேலையில் புதிதொன்று செழிப்புடன் சேரக்கட்டி ஈரத்தலை துவட்டி எண்ணெய் சிறிது பூசி இரட்டைப் பின்னலிட்டு இமைகளில் மைதீட்டி மூன்றாம் பிறை போல முல்லைப் பூ சரம் மாட்டி வட்டமுக நெற்றியிலே வட்ட நிலா பொட்டிட்டு முற்றத்தில் நடந்தபடி மூன்று இட்லி தின்று தீர்த்து கல்லூரிப் புத்தகங்களைக் கச்சிதமாய் அடுக்கி ஏந்தி அடுப்பறையில் இருக்கும் அம்மாவுக்கு கை அசைத்து தென்றலாய் நீ வருவாய் தெருவில் குளிர்ச்சி பெறும் அங்கு வருவோரின் அன்பு விழிகள் உன்னை கண்டு அழகென உளறிப் போகும் அன்றோ!

எஸ். சந்திரசேகரன் அமுதா செஞ்சிக்கோட்டை