அமெரிக்காவில் வெள்ளை மாளிகை அருகே துப்பாக்கிச் சூட்டில் 2 வீரர்கள் படுகாயம்: ஆப்கன் நபர் கைது

வாஷிங்டன்: அமெரிக்​கா​வில் வெள்ளை மாளிகை அருகே ஆப்கனைச் சேர்ந்​தவர் துப்​பாக்​கி​யால் சுட்​ட​தில் 2 தேசிய படை வீரர்​கள் காயமடைந்​தனர்.

அமெரிக்​கா​வின் வாஷிங்​டனில் உள்ள அதிபரின் வெள்ளை மாளிகை அருகே நேற்று முன்​தினம் தேசி​யப் படை வீரர்​கள் ரோந்து பணி​யில் ஈடு​பட்​டிருந்​தனர். அப்​போது அங்கு வந்த காரிலிருந்து இறங்​கிய ஒரு​வர் தேசிய படை வீரர்​களை நோக்கி துப்​பாக்​கி​யால் சுட்​டுள்​ளார். இதைப் பார்த்த சக வீரர்​கள் அந்த நபரை நோக்கி துப்​பாக்​கி​யால் சுட்டு மடக்​கிப் பிடித்து கைது செய்​தனர். எனினும் அந்த நபர் சுட்​ட​தில் 2 வீரர்​கள் படுகாயமடைந்​தனர். அவர்​கள் மருத்​து​வ​மனை​யில் அனுமதிக்கப்பட்​டனர்.

வீரர்​கள் சுட்​ட​தில் கைது செய்​யப்​பட்ட நபர் காயங்​களு​டன் உயிர் தப்​பி​னார். அவரிடம் நடத்​திய விசா​ரணை​யில் அவரது பெயர் ரஹ்மனுல்லா லக்​கன்​வால் (29) என்​றும் ஆப்​கானிஸ்​தானைச் சேர்ந்​தவர் என்​றும் தெரிய​வந்​துள்​ளது.

ஆப்​கானிஸ்​தானில் முகாமிட்​டிருந்த அமெரிக்க படைகள் கடந்த 2021ம் ஆண்டு தாயகம் திரும்​பியது. ஆப்​க​னில் அமெரிக்க ராணுவத்தில் பணி​யாற்​றிய ஆப்​க​னைச் சேர்ந்த சுமார் 76 ஆயிரம் பேர் வாஷிங்​டனுக்கு அழைத்​துச் சென்று குடியமர்த்​தப்​பட்​டனர். அப்போது வாஷிங்​டனில் வந்து குடியேறிய​வர்​தான் லக்கன்​வால்.

குடியேற்ற கோரிக்கை நிறுத்​தம்: இந்​நிலை​யில், அமெரிக்க குடி​யுரிமை மற்​றும் குடியேற்ற சேவை​கள் துறை தனது எக்ஸ் சமூக வலை​தளத்​தில், “ஆப்​கானிஸ்​தானியர்​களின் குடியேற்​றம் தொடர்​பான அனைத்து கோரிக்​கைகளும் கால​வரையறை​யின்றி நிறுத்தி வைக்​கப்​படு​கிறது. அமெரிக்கா மற்​றும் பொது​மக்​களின் பாது​காப்பை கருத்​தில் கொண்டு இந்த முடிவு எடுக்கப்பட்டுள்ளது” என கூறப்​பட்​டுள்​ளது.