மகளிர் பிரீமியர் லீக் ஏலம்: தீப்தி சர்மாவை ரூ.3.30 கோடிக்கு வாங்கியது யுபி வாரியர்ஸ்

புதுடெல்லி: 2026-ம் ஆண்​டுக்​கான மகளிர் பிரீமியர் லீக் டி 20 கிரிக்​கெட் தொடருக்​கான மெகா ஏலம் டெல்​லி​யில் நேற்று நடைபெற்றது. இதில் ஐசிசி உலகக் கோப்பை தொடரில் சாம்​பியன் பட்​டம் வென்ற இந்​திய அணி​யில் ஆல்​ர​வுண்​ட​ராக ஜொலித்த தீப்தி சர்​மாவை ரூ.3.20 கோடிக்கு யுபி வாரியர்ஸ் அணி ரைட் டூ மேட்ச் கார்டு மூலம் வாங்​கியது.

இதன் மூலம் மகளிர் பிரீமியர் லீக்​கில் அதிக தொகையை பெறும் 2-வது வீராங்​கனை என்ற பெரு​மையை பெற்​றார் தீப்தி சர்​மா. இந்த வகை​யில் ஆர்​சிபி அணி​யின் ஸ்மிருதி மந்​தனா அதிகபட்சமாக ரூ.3.40 கோடி வாங்​கு​கிறார்.

தீப்தி சர்​மாவுடன், இளம் வேகப்​பந்து வீச்​சாள​ரான இந்​தி​யா​வின் கிரந்தி கவுடை ரூ.50 லட்சத்துக்கும், ஹர்​லின் தியோலை ரூ.50 லட்​சத்​துக்​கும், இங்கிலாந்து சுழற்​பந்து வீச்​சாள​ரான சோபி எக்​லஸ்​டோனை ரூ.85 லட்​சத்​துக்​கும், ஆஸ்​திரேலி​யா​வின் மெக் லேனிங்கை ரூ.1.9 கோடிக்​கும், ஃபோப் லிட்ச்ஃபீல்டை ரூ.1.20 கோடிக்​கும் யுபி வாரியர்ஸ் அணி வாங்கியது.

மும்பை இந்​தி​யன்ஸ் அணி நியூஸிலாந்து ஆல்-​ர​வுண்​ட​ரான அமெலியா கெர்ரை ரூ.3 கோடிக்கு ஏலம் எடுத்​தது. 25 வயதான அமெலியா கெர் கடந்த 2023 மற்​றும் 2025-ல் மும்பை இந்​தி​யன்ஸ் அணி சாம்​பியன் பட்​டம் வென்​ற​தில் முக்​கிய பங்கு வகித்​திருந்​தார். யுபி வாரியர்ஸ் அணி அதிர்ச்சி கொடுக்​கும் வித​மாக இந்​திய ஆல்​-ர​வுண்​ட​ரான ஷிகா பாண்​டேவை ரூ.2.40 கோடிக்கு வாங்கியது. அவர், கடைசி​யாக இந்​திய அணிக்​காக 2023-ல் விளை​யாடி இருந்தார்.

இந்​திய அணி​யின் இடதுகை சுழற்​பந்து வீச்சு வீராங்​க​னை​யான ஸ்ரீசரணியை டெல்லி கேபிடல்ஸ் அணி ரூ.1.30 கோடிக்கு ஏலம் எடுத்​தது. அவரது அடிப்​படை தொகை ரூ.30 லட்​ச​மாக இருந்​தது. மேலும் அந்த அணி தென் ஆப்​பிரிக்​கா​வின் லாரா வோல்​வார்ட்டை ரூ.1.10 கோடிக்​கும், மேற்கு இந்​தி​யத் தீவு​களின் சினெல்லே ஹென்​றியை ரூ.1.130 கோடிக்​கும், இந்​திய ஆல்-​ரவுண்ட​ரான ஸ்னே ராணாவை ரூ.50 லட்​சத்​துக்​கும் வாங்​கியது.

குஜ​ராத் ஜெயண்ட்ஸ் அணி ரேணுகா சிங்கை ரூ.60 லட்​சத்​துக்​கும், சோபி டிவைனை ரூ.2 கோடிக்​கும் ஏலம் எடுத்​தது. ஆர்​சிபி அணியானது தென் ஆப்​பிரிக்​கா​வின் நதின் டி கிளெர்க்கை ரூ.65 லட்​சத்​துக்​கும், ஆல்-​ர​வுண்​டர்​களான அருந்​ததி ரெட்​டியை ரூ.75 லட்​சத்​துக்​கும், ராதா யாதவை ரூ.65 லட்​சத்​துக்கும் வாங்கியது.