சாட்​ஜிபிடி-​யில் முக்கிய கோப்புகளை பதிவேற்​றிய அமெரிக்க சைபர் பாதுகாப்பு பிரிவு தலைவர்

வாஷிங்​டன்: அமெரிக்​கா​வின் சைபர் செக்​யூரிட்டி அன்ட் இன்​பி​ராஸ்​டிரக்​கசர் செக்​யூரிட்​டி (சிஐஎஸ்ஏ) எனப்​படும் சைபர் பாது​காப்பு மற்​றும் உள்​கட்​டமைப்பு பாது​காப்​புப் பிரி​வின் செயல் இயக்​குந​ராக செயல்​பட்டு வருபவர் மது கோட்​டு​முக்​கலா.

இந்​திய வம்​சாவளியைச் சேர்ந்​த இவர், கடந்த 5 மாதங்களுக்கு முன்பு சிஐஎஸ்​ஏ-​வின் செயல் தலை​வ​ராக, தனது நம்​பிக்​கைக்​குரிய மது கோட்​டு​முக்​கலா​வை, அமெரிக்க அதிபர் ட்ரம்ப் நியமித்​தார். அமெரிக்க அரசின் ரகசி​யங்​களை​யும், முக்​கிய விவரங்​களை​யும் பாது​காக்கும் பணி​யில் சிஐஎஸ்ஏ ஈடு​பட்டு வரு​கிறது. இதன் முக்​கிய பொறுப்​பில்​தான் மது கோட்​டு​முக்​கலா இருந்து வரு​கிறார்.

இந்​நிலை​யில் பொது​மக்​கள் பயன்​படுத்​தும் சாட்​ஜிபிடி-யில் அமெரிக்க அரசின் முக்​கிய ஆவணங்​கள், கோப்​பு​களை மது கோட்​டு​முக்​கலா பதிவேற்​றம் செய்​துள்​ளார். இது அமெரிக்​கா​வில் பரபரப்பை ஏற்​படுத்​தி​யுள்​ளது.

பொது​வாக சிஐஎஸ்​ஏ-​விலிருந்து அரசாங்க குறிப்​பு​கள், கோப்​பு​கள் யாவும் வெளியே செல்​ல​முடி​யாத​படி சைபர் செக்​யூரிட்டி தளம் செயல்​படு​கிறது. இருந்​த​போதும் பொது​வெளி​யில் பயன்​படுத்​தப்​படும் சாட்​ஜிபிடி-​யில் முக்​கிய கோப்​பு​கள் வெளி​யிடப்​பட்​டுள்​ளது தவறு என்று பொலிட்​டிகோ ஊடக நிறு​வனத்​தின் அறிக்கை தெரிவிக்​கிறது.