டபுள் இன்ஜின் மாநிலங்களில் வேகமான வளர்ச்சி: எல்.முருகன் பெருமிதம்

சென்னை: டபுள் இன்ஜின் அரசு இருக்​கும் மாநிலங்​களில் வேக​மான வளர்ச்சி அடைவ​தாக மத்​திய இணை அமைச்​சர் எல்​.​முரு​கன் தெரி​வித்​தார். தமிழக சட்​டப்​பேரவை தேர்​தலை​யொட்டி பாஜக​வின் தேர்​தல் அறிக்​கையை தயாரிப்​ப​தற்​காக மக்​களிடம் இருந்து கருத்து கேட்​கும் இயக்​கத்தை மத்​திய இணை அமைச்​சர் எல்​.​முரு​கன் நேற்று தொடங்கி வைத்​தார்.

தொடர்ந்​து, மக்​களிடம் இருந்து கருத்​துகளைப் பெறு​வதற்​காக, 38 மாவட்​டங்​களுக்​கும் பிரச்​சார வாக​னத்தை கொடியசைத்து தொடங்கி வைத்​தார். மேலும், பொது​மக்​கள் தங்​களது கருத்​துகளை அளிப்​ப​தற்​கான விண்​ணப்​பங்​களை பெறு​வதற்கு 7878786060 என்ற செல்​போன் எண் அறி​முகம் செய்​யப்​பட்​டது.

இந்த எண்​ணில் பொது​மக்​கள் மிஸ்டு கால் கொடுத்​தால், அந்த எண்​ணுக்கு வரும் லிங்க்கை கிளிக் செய்​து, விண்​ணப்​பப்​படிவத்தை பெற்​று, அதை பூர்த்தி செய்து தேர்​தல் அறிக்கை குழு​விடம் அளிக்​கலாம் என தெரிவிக்கப்பட்டது.

இந்​நிகழ்ச்​சி​யில் அமைச்​சர் எல்​.​முரு​கன் பேசி​ய​தாவது: கடந்த 2021-ல் முதல்​வர் ஸ்டா​லின் கொடுத்த தேர்​தல் அறிக்​கை​யில் இடம் பெற்​றிருந்த 500 வாக்​குறு​தி​களில் 90 சதவீதம் நிறைவேற்​ற​வில்​லை. மக்​களை ஏமாற்​றுகிற தேர்​தல் அறிக்​கையை தயாரிப்​பது திமுக. மக்​களுக்​காக மக்​கள் கொடுக்​கின்ற அறிக்​கையை நிறைவேற்றி கொடுப்​பது பிரதமர் மோடி.

டபுள் இன்ஜின் அரசு எங்​கெல்​லாம் இருக்​கிறதோ, அந்த மாநிலங்​கள் எல்​லாம் வேக​மான வளர்ச்சி அடைந்து கொண்​டிருக்​கின்​றன. தென் மாநிலத்​தில் முதல்​முறை​யாக திரு​வனந்​த​புரம் மாநக​ராட்​சி​யைக் கைப்​பற்​றி​யிருக்​கிறோம். அடுத்து சென்னை மாநக​ராட்​சி​யைக் கைப்​பற்​று​வோம்.

தேர்​தலில் வெற்றி பெறு​வோம் என்ற நம்​பிக்கை திமுக​வுக்கு இல்​லை. மது​ராந்​தகத்​தில் நடை​பெற்ற தேசிய ஜனநாயக கூட்​ட​ணி​யின் பிரம்​மாண்ட மாநாட்டை பார்த்து திமுக​வினருக்கு காய்ச்​சல் வந்​து​விட்​டது. இவ்​வாறு அவர் கூறி​னார்.

பாஜக மாநில தலை​வர் நயி​னார் நாகேந்​திரன் பேசும்​போது, ‘மக்​களை மறந்​து​விட்​டு, குடும்​பத்​தின் நலனுக்​காக மட்​டுமே இன்று திமுக ஆட்சி நடத்திக் கொண்​டிருக்​கிறது. தனது மகன் உதயநி​தியை முதல்​வ​ராக்​கு​வதற்​கு, தனது கட்​சிக்​காரர்​களை அடக்​கவே ஸ்டா​லின் இரும்​புக் கரத்தை பயன்​படுத்தி கொண்​டிருக்​கிறார். திமுக ஆட்​சிக்கு முடிவு கால​மும், தமிழகத்​துக்கு விடிவு கால​மும் வந்​து​விட்​டது” என்​றார்.

இந்​நிகழ்ச்​சி​யில், பாஜக முன்​னாள் மாநில தலை​வர் தமிழிசை சவுந்​தர​ராஜன், மூத்த தலை​வர் ஹெச்​.​ராஜா, மாநில துணைத் தலை​வர்​கள் கரு.​நாக​ராஜன், டால்​பின் ஸ்ரீதர், தேர்​தல் அறிக்கை குழு​வில் இடம் பெற்​றுள்ள அர்​ஜுனமூர்த்​தி, ஏ.என்​.எஸ்​.பிர​சாத் உள்​ளிட்ட நிர்​வாகி​கள் பலர் கலந்து கொண்​டனர்.