தினமும் 4 வாட்டி ஒர்க்அவுட்: என்ன சிம்ரன் சொல்றீங்கனு அப்படியே ஷாக் ஆன சரத்குமார்

சிம்ரன் பதில்: நடிகையாக திரையுலகிற்கு வந்த வரலட்சுமி சரத்குமார் தற்போது இயக்குநர் அவதாரம் எடுத்திருக்கிறார். அவர் இயக்கி, தயாரித்து, நடித்திருக்கும் சரஸ்வதி படம் மார்ச் 6ம் தேதி அதாவது நாளை மறுநாள் ரிலீஸாகவிருக்கிறது. இந்நிலையில் நடந்த சரஸ்வதி பட ப்ரீ ரிலீஸ் நிகழ்ச்சியில் சித்தி ராதிகா, அப்பா சரத்குமார், சிம்ரன் உள்ளிட்டோர் கலந்து கொண்டு வரலட்சுமியை வாழ்த்தினார்கள்.

அந்த நிகழ்ச்சி மேடையில் சிம்ரன் சொன்னதை கேட்டு ஃபிட்னஸ் ஃப்ரீக்கான சரத்குமார் அப்படியே ஷாக் ஆகிவிட்டார். சிம்ரனுக்கு ஏப்ரல் மாதம் வந்தால் 50 வயதாகிவிடும். வளர்ந்த இரண்டு மகன்களுக்கு தாய். ஆனால் அவர் என்றும் இளமையாகவும், அழகாகவும் இருப்பதன் ரகசியம் குறித்து கேட்டார்கள். அதற்கு சிம்ரனோ, ஒர்க்அவுட் தான் காரணம் என்றார். தினமும் நான் முறை ஒர்க்அவுட் செய்வேன் என்றார்.

அதை கேட்ட சரத்குமாரோ, என்னது தினமும் நான்கு வாட்டி ஒர்க்அவுட் செய்வீங்கா என்று அதிர்ச்சியாக கேட்டார். அதை பார்த்த சிம்ரன் சிரித்துவிட்டு சாரி சார், தினமும் இல்லை வாரத்திற்கு நான்கு முறை ஒர்க்அவுட் செய்வேன். அதை தான் மாற்றிக் கூறிவிட்டேன் என்றார். சிம்ரன் சொன்னதையும், சரத்குமார் கொடுத்த ரியாக்ஷனையும் பார்த்து அங்கிருந்தவர்கள் எல்லாம் சிரித்துவிட்டார்கள். சிம்ரன் பெயரை சொன்னாலை அவர் ரொம்ப ஸ்லிம்மாக இருப்பதும், இஞ்சி இடுப்பழகியாக இருப்பதும் தான் ரசிகர்கள் பெரிதாக பேசுவார்கள்.

அண்மையில் நிகழ்ச்சி ஒன்றில் நீங்கள் மட்டும் எப்படி இப்படி இஞ்சி இடுப்பழகியாகவே இருக்கிறீர்கள் மேடம் என்று சிம்ரனிடம் கேட்கப்பட்டது. அதற்கு அவோ ரொம்ப சிம்பிள்னு சொல்லி ஒரு உடற்பயிற்சியை செய்து காட்டி இதை தான் தினமும் செய்கிறேன் என்றார்.

சிம்ரனுக்கு கடந்த ஆண்டு சிறப்பான ஆண்டாக அமைந்துவிட்டது. அஜித் குமார் நடிப்பில் வெளியான குட் பேட் அக்லி படத்தில் கவுரவத் தோற்றத்தில் வந்தபோதிலும் ரசிகர்கள் சிம்ரனை கொண்டாடினார்கள். மேலும் அபிஷன் ஜீவிந்த் இயக்கத்தில் சசிகுமார் மனைவியாக சிம்ரன் நடித்த டூரிஸ்ட் ஃபேமில் தான் கடந்த ஆண்டு அதிக லாபம் ஈட்டிய இந்திய படமாகும். சிம்ரனின் செகண்ட் இன்னிங்ஸை வெற்றிகரமானதாக மாற்றியிருக்கிறது டூரிஸ்ட் ஃபேமிலி படம்.

வரலட்சுமி போராட்டம்: இதற்கிடையே சரஸ்வதி ட்ரெய்லரை பார்த்தவர்கள் அசந்து போனார்கள். பள்ளிக்கு சென்ற மகள் வீடு திரும்பாமல் போகவே அவரை தேடி அலைகிறார் அம்மா வரலட்சுமி சரத்குமார். அந்த படத்தில் ப்ரியாமணி, பிரகாஷ்ராஜ் ஆகியோர் முக்கிய கதாபாத்திரங்களில் நடித்திருக்கிறார்கள். சரஸ்வதி படம் நிச்சயம் வெற்றி பெறும். உங்களுக்குள் இப்படியொரு இயக்குநர் இருந்தது இத்தனை காலமாக தெரியாமல் போய்விட்டது என்று வரலட்சுமியை ரசிகர்கள் பாராட்டுகிறார்கள்.