மதுரை கோட்டத்தில் பராமரிப்புப் பணி: திருச்சி வழியாக செல்லும் 5 ரெயில்கள் மாற்றுப்பாதையில் இயக்கம்

திருச்சி, அக். 7–

மதுரை கோட்டத்தில் பல்வேறு பகுதிகளில் பராமரிப்பு பணிகள் நடைபெற உள்ளதால் ரெயில்கள் மாற்றுப்பாதையில் இயக்கப்பட உள்ளன.

அதன்படி வருகிற 9-ந்தேதி முதல் 14-ந்தேதி வரை செங்கோட்டை- – மயிலாடுதுறை எக்ஸ்பிரஸ் (எண்:16848) விருதுநகரில் இருந்து அருப்புக்கோட்டை, மானாமதுரை, சிவகங்கை, தேவகோட்டை சாலை, காரைக்குடி, புதுக்கோட்டை, கீரனூர் வழியாக திருச்சி வந்து மயிலாடுதுறைக்கு செல்லும். அந்த நாட்களில் கள்ளிக்குடி, திருமங்கலம், திருப்பரங்குன்றம், மதுரை, கொடைக்கானல்ரோடு, திண்டுக்கல், வடமதுரை, வையம்பட்டி, மணப்பாறை வழியாக செல்லாது. இதுபோல் நாகர்கோவில் – -மும்பை சி.எஸ்.டி.எம். எக்ஸ்பிரஸ் (எண்16352) வருகிற 12-ந்தேதி மற்றும் 16-ந்தேதி விருதுநகரில் இருந்து அருப்புக்கோட்டை, மானாமதுரை, சிவகங்கை, காரைக்குடி, புதுக்கோட்டை வழியாக திருச்சி வந்து மும்பை செல்லும். அந்த நாட்களில் மதுரை, திண்டுக்கல் வழியாக செல்லாது.

மேலும் கன்னியாகுமரி- – ஹவுரா அதிவிரைவு ரெயில் (எண்:12666) வருகிற 11-ந்தேதி விருதுநகரில் இருந்து அருப்புக்கோட்டை, மானாமதுரை, சிவகங்கை, காரைக்குடி, புதுக்கோட்டை வழியாக திருச்சி வந்து செல்லும். அன்று மதுரை, கொடைக்கானல்ரோடு, திண்டுக்கல் வழியாக செல்லாது. குருவாயூர் எக்ஸ்பிரஸ் மேலும் குருவாயூரில் இருந்து வருகிற 8-ந்தேதி முதல் 12-ந்தேதி வரை இரவு 11.15 மணிக்கு புறப்படும் குருவாயூர்- – சென்னை எழும்பூர் எக்ஸ்பிரஸ் (எண்:16128) விருதுநகரில் இருந்து அருப்புக்கோட்டை, மானாமதுரை, சிவகங்கை, காரைக்குடி, புதுக்கோட்டை வழியாக திருச்சி வந்து செல்லும். அன்று மதுரை, சோழவந்தான், கொடைக்கானல்ரோடு, திண்டுக்கல், மணப்பாறை வழியாக செல்லாது.

அதுபோல் வருகிற 10-ந்தேதி காலை 5.15 மணிக்கு கன்னியாகுமரியில் இருந்து ஐதராபாத் செல்லும் சிறப்பு ரெயில் (எண்:07229) விருதுநகரில் இருந்து அருப்புக்கோட்டை, மானாமதுரை, சிவகங்கை, காரைக்குடி, புதுக்கோட்டை வழியாக திருச்சி வந்து செல்லும். அன்று மதுரை, கொடைக்கானல் ரோடு, திண்டுக்கல் வழியாக செல்லாது. புறப்படும் நேரம் மாற்றம் மேலும் 9-ந்தேதி மற்றும் 16-ந்தேதி மதுரையில் இருந்து பகல் 12.05 மணிக்கு புறப்பட வேண்டிய மதுரை –- பிகானீர் அனுவ்ராத் அதிவிரைவு ரெயில் (எண்:22631) 25 நிமிடங்கள் தாமதமாக பகல் 12.30 மணிக்கு புறப்படும். இதுபோல் திருச்சியில் இருந்து காலை 7.05 மணிக்கு புறப்படும் ராமேசுவரம் எக்ஸ்பிரஸ் (எண்:16849) வருகிற 8-ந்தேதி முதல் 10-ந்தேதி வரையும், 13-ந்தேதியும் மானாமதுரை – -ராமேசுவரம் இடையே ரத்து செய்யப்படுகிறது. இந்தரெயில் அன்று ராமேசுவரம் செல்லாது. அதே நாட்களில் ராமேசுவரத்தில் இருந்து மாலை 3 மணிக்கு புறப்படவேண்டிய திருச்சி எக்ஸ்பிரஸ் மானாமதுரையில் இருந்து மாலை 4.55 மணிக்கு திருச்சிக்கு புறப்படும்.

இந்த தகவலை திருச்சி கோட்ட ரெயில்வே மக்கள் தொடர்பு அலுவலர் வினோத் தெரிவித்துள்ளார்.