மொறு மொறு நொறுக்ஸ் :"ரிப்பன்

       நம் தென்னாட்டு பாரம்பரிய நொறுக்குத் தீனி, ரிப்பன் என்கிற, நாடா என்கிற, ஒட்டுப் பகோடா. பதம் சரியா இருந்தால் நல்ல ருசி. கர கரப்பான, ருசி யான ரிப்பன் ரெசிபி இதோ.

 கடையில் வாங்கிய மாவு, அல்லது மாவு மில்லில் அரைத்து எடுத்தது, ரெண்டுமே நன்றாக வரும்.  1:2 என்கிற விகிதம் கடலை மாவு, அரிசி மாவு அளந்து எடுத்துக் கொள்வோம். 1.5 ஆழாக்கு கடலை மாவு, 3 ஆழாக்கு அரிசி மாவு, 50 gm டால்டா, உப்பு, காரப் பொடி, பெருங்காயம், தேவைக்கு ஏற்ப சேர்த்து, தண்ணீர் விட்டு பிசைந்து கொள்ளுங்கள். ரொம்ப கெட்டியாக இருந்தால் பிழிவது கஷ்டம், சுவை மாறி விடும். தேங்காய் எண்ணையில் செய்தால் சுவை கூடும். 

எண்ணெய் நன்கு காய்ந்த பின், அச்சு உரலில் மாவு எடுத்து, பிழிந்து மிதமான தணலில் வேக விடவும். சூடு ஆறிய பின் எவர்சில்வேர் டப்பாவில் வைக்கவும். 15 நாட்கள் வரை நன்றாக இருக்கும்

வணக்கம்,இ பேப்பர் சமையல் பகுதியில் வெளியிட அனுப்புகிறேன், நன்றி / by மீனா சேகர்