விமானப் படையிடம் ஒப்படைக்க 5 தேஜஸ் எம்கே1ஏ விமானங்கள் தயார்: எச்ஏஎல் நிறுவனம் அறிவிப்பு

புதுடெல்லி: வி​மானப் படை​யிடம் ஒப்​படைக்க 5 தேஜஸ் எம்​கே1ஏ ரக போர் விமானங்​கள் தயார் நிலை​யில் உள்ளன.

இந்​துஸ்​தான் ஏரோ​னாடிக்ஸ் நிறு​வனம்​ (எச்​ஏஎல்) உள்​நாட்​டில் தேஜஸ் இலக ரக போர் விமானத்தை தயாரிக்​கிறது. இந்​நிலை​யில் எச்​ஏஎல் நிறு​வனத்​திடம் விமானப்​படை 83 தேஜஸ் எம்​கே1ஏ ரக விமானங்​களை தயாரிக்க கடந்த 2021-ம் ஆண்டு ஆர்​டர் கொடுத்​தது. அதன்​பின் 97 தேஜஸ் எம்​கே1ஏ ரக விமானங்​களை ரூ.62,370 கோடி மதிப்​பில் தயாரிக்க கடந்த 2025-ம் ஆண்டு ஒப்​பந்​தம் செய்​தது.

தேஜஸ் போர் விமானங்​களை தயாரித்து வழங்​கு​வ​தில் எச்​ஏஎல் நிறு​வனம் தாமதப்​படுத்​து​வ​தாக விமானப்​படை தளப​தியே ஒரு​முறை குற்​றம் சாட்​டி​னார். இதற்கு பதில் அளித்த எச்​ஏஎல் நிறு​வனம் தேஜஸ் போர் விமானத்​தில் பயன்​படுத்​தப்​படும் அமெரிக்க தயாரிப்பு ஜிஇ இன்​ஜினை பெறு​வ​தில் தாமதம் ஏற்​படு​வ​தால், தேஜஸ் போர் விமானத்தை குறித்த நேரத்​தில் விநி​யோகம் செய்ய முடிய​வில்லை என கூறியது.

இந்​நிலை​யில் எச்​ஏஎல் நிறு​வனம் விடுத்​துள்ள செய்​தி​யில், ‘‘அமெரிக்​க​வின் ஜிஇ நிறு​வனத்​திடம் இருந்து 5 இன்​ஜின்​கள் இது​வரை வந்​துள்​ளன. அந்த இன்​ஜின்​கள் பொருத்​தப்​பட்டு 5 தேஜஸ் எம்​கே1ஏ ரக விமானம் விமானப்​படை​யிடம் ஒப்​படைக்க தயார் நிலை​யில் உள்​ளது.

ஐஎம்​ஆர்​எச் ஹெலி​காப்​டர், தேஜஸ் எம்​கே2 போன்ற விமானங்​கள் தயாரிப்​பில் எச்​ஏஎல் 2032-ம் ஆண்​டுக்கு பிறகு ஈடு​படும் என எதிர்​பார்க்​கப்​படு​கிறது’’ என தெரி​வித்​துள்​ளது.