சிட்டி சென்டரில் கைவினைப் பொருட்கள் 3 நாள் விற்பனை கண்காட்சி துவங்கியது

சென்னை, ஜன. –

இந்திய அரசின் ஜவுளி அமைச்சகத்தின் கைவினைப்பொருட்கள் மேம்பாட்டு ஆணையருடன் இணைந்து கைவினைப் பொருட்கள் ஏற்றுமதி மேம்பாட்டு கவுன்சில் (EPCH) ஏற்பாடு செய்துள்ள "பாரதிய ஹஸ்தகலா உத்சவ்" துவங்கியது. 26ந் தேதி வரை சென்னை சிட்டி சென்டர் மாலில் நடைபெறுகிறது.

என். துளசிராவ் (தென்னக பிராந்திய ஒருங்கிணைப்பாளர், கைவினைப் பொருட்கள் ஏற்றுமதி மேம்பாட்டு கவுன்சில்) மோனிஷ்பட்டிபட்டி (இந்திய ஐரோப்பிய ஒன்றிய வர்த்தக கவுன்சிலின் கௌரவ வர்த்தக ஆணையர்) அமுதவல்லி (அரசு செயலாளர், கைத்தறி, கைவினைப்பொருட்கள், ஜவுளி மற்றும் காதி, தமிழ்நாடு அரசு) தர்மேந்திர பிரதாப் யாதவ் (முதன்மை செயலாளர் மற்றும் சேர்மன், தமிழ்நாடு சிறு தொழில்கள் மேம்பாட்டுக் கழகம்) அமிர்தஜோதி, நிர்வாக இயக்குநர், (தமிழ்நாடு கைவினைப்பொருட்கள் மேம்பாட்டுக் கழகம்) பிராந்திய அதிகாரி பிஎல். ஸ்ரீதேவி விழாவில் பங்கேற்றனர்.

இந்தியா முழுவதும் உள்ள தலைசிறந்த கைவினைஞர் களிடமிருந்து தேர்ந்தெடுக்கப்பட்ட 50க்கும் மேற்பட்ட ஜிஐ-டேக் செய்யப்பட்ட கைவினைப் பொருட்களைக் காட்சிப்படுத்தப்பட்டுள்ளது.

தஞ்சாவூர் மற்றும் மைசூர் ஓவியங்கள், செரியல் ஓவியங்கள், தோடா எம்பிராய்டரி, வெங்கடகிரி புடவைகள், வடசேரி கோயில் நகைகள், வில்லியனூர் டெரகோட்டா, சன்னபட்னா பொம்மைகள் மற்றும் பல பிராந்திய-குறிப்பிட்ட கலை வடிவங்கள் உள்ளிட்ட பல்வேறு வகையான பாரம்பரிய கைவினைப் பொருட்களை பார்வையாளர்கள் ஆராய்ந்து வாங்கினர்.

கே.என். துளசிராவ் பேசுகையில், “பாரதிய ஹஸ்தகலா உத்சவ் இந்தியாவின் வளமான மற்றும் பன்முகத் தன்மை கொண்ட கைவினைஞர்கள் மற்றும் கைவினை உற்பத்தி செய்யும் சமூகங்களுக்கு நேரடி சந்தை அணுகலை உருவாக்கும் அதே வேளையில், இந்தியாவின் வளமான மற்றும் பன்முகத் தன்மை கொண்ட கைவினைஞர் பாரம்பரியத்தை கொண்டாட ஒரு முக்கியமான தளமாக செயல்பட்டது. உண்மையான GI- டேக் செய்யப்பட்ட கைவினைப்பொருட்கள், ஒவ்வொன்றும் அதன் புவியியல், பாரம்பரிய அறிவு மற்றும் கலாச்சார முக்கியத்துவத்தில் ஆழமாக வேரூன்றி, அவற்றின் உண்மையான மதிப்பு மற்றும் நம்பகத்தன்மை குறித்த விழிப்புணர்வை ஏற்படுத்துவதை நோக்கமாகக் கொண்டோம்’’ என்றார்.