மறதி.

மறதி

வயோதிக வயதில்

வருவாரும் போவாரும்

எவர் என்றே தெரியவில்லை.

நினைத்து நினைத்துப் பார்த்தாலும்,

நினைவுத் தடம் நெகிழ்ந்து கொடுப்பதில்லை.

அவர் பேச, நான் கேட்கிறேன்.

நான் என்ன பேசுவது?

வந்தவர் குழம்பிப் போய் நகர;

மகன் சைகையால் ஏதோ சொல்ல முனைகிறான்;

என்னிடமா? அவரிடமா?

பதிவாக எதுவும் புரியாமல்

அலமந்து விழிக்கின்றேன்.

'சட்' 

என்று நினைவின் கீற்று ஒன்று!

'கிட்டா!

இன்று டிசம்பர் ஒன்றாம் தேதி!

'உனக்கு பிறந்த நாள் இல்லையா?'

என்பவரைப் பார்த்து

சிரித்த,வைத்தா சொன்னான்:

' ஆமா அதற்கென்ன?'

கிட்டாவிடம் ஃபோன் செய்து, இதை சொல்ல வேண்டும்!'

என்று நினைத்துக் கொண்டான்; வைத்தா!

சசிகலா விஸ்வநாதன்