மின்சார பஸ், ராணுவ வாகனங்கள் தயாரிக்க இந்தோனேசியா அரசுடன் அசோக் லேலண்ட் ஒப்பந்தம்

பண்டுங், பிப். 

இந்துஜா குழுமத்தின் இந்திய முதன்மை நிறுவனமும், உலகின் முன்னணி வணிக மற்றும் பாதுகாப்பு வாகன உற்பத்தியாளர்களில் ஒருவருமான அசோக் லேலண்ட், இந்தோனேசியாவின் அரசுக்கு சொந்த மான பாதுகாப்பு மற்றும் தொழில்துறை உபகரண உற்பத்தியாளரான பி.டி. பிண்டாடுடன் ஒரு முக்கிய புரிந்துணர்வு ஒப்பந்தத்தில் கையெழு த்திட்டது.

பிண்டாட்டின் தலைமையகத்தில் கையெழுத்தான இந்த ஒப்பந்தம், நிலையான இயக்கம் மற்றும் மேம்பட்ட பாதுகாப்பு தொழில் நுட்பங்களில் இரு நாடுகளுக்கும் இடையிலான இருதரப்பு ஒத்துழைப்பை வலுப்படுத்துவதில் முக்கியமானது. இந்தோனேசியாவின் வளர்ந்து வரும் இயக்கம் மற்றும் தேசிய பாதுகாப்புத் தேவைகளுக்கு ஏற்ப வடிவமைக்கப்பட்ட மின்சார பேருந்துகள் மற்றும் பாதுகாப்பு வாகனங்களின் கூட்டு மேம்பாடு மற்றும் உற்பத் திக்கான ஒரு மூலோபாய ஒத்துழைப்பை இந்த புரிந்துணர்வு ஒப்பந்தம் கோடிட்டுக் காட்டுகிறது.

வணிக மின்சார வாகன உற்பத்தித் தளங்கள் மற்றும் பாதுகாப்பு இயக்கம் தீர்வுகளில் அசோக் லேலண்டின் உலகளாவிய நிபுணத்துவத்தையும், பின்டாட்டின் ஆழ்ந்த பொறியியல் திறன்கள், உள்ளூர் உற்பத்தி வலிமை மற்றும் இந்தோனேசியாவின் பாதுகாப்பு சுற்றுச்சூழல் அமைப்பிற்கு நீண்டகால பங்களிப்பையும் பயன்படுத்திக் கொள்வதே இந்த கூட்டாண்மையின் நோக்கமாகும்.

இந்த ஒப்பந்தம் பிண்டாட்டின் தலைமை நிர்வாக அதிகாரி சிகிட் பி. சந்தோசா, அசோக் லேலேண்டின் சர்வதேச செயல்பாடுகள், பாதுகாப்பு, வேன்கள் தயாரிப்பு தலைவர் அமன்தீப் சிங் மற்றும் ஹிந்துஜா ஆட்டோவின் வாரிய ஆலோசகர் லார்ட் தாரிக் ஆகியோரின் முன்னிலையில் முறைப்படுத்தப்பட்டது.

அசோக் லேலண்டின் சர்வதேச செயல்பாடுக தலைவர் அமன்தீப்சிங் கூறுகையில், "அசோக் லேலண்ட் உலகளவில் நம்பகமான வணிக மற்றும் பாதுகாப்பு இயக்க தீர்வுகளை வழங்குகிறது.இதன் துணை நிறுவனமான ஸ்விட்ச் மொபிலிட்டி இப்போது உலகளாவிய ஈர்ப்புடன் பரந்த அளவிலான மின்சார பேருந்துகளை உருவாக்கியுள்ளது. பிண்டாடுடனான எங்கள் கூட்டாண்மை இந்தோனேசியாவின் நிலப்பரப்பு, உள்கட்டமைப்பு மற்றும் செயல்பாட்டுத் தேவைகளுக்கு ஏற்றவாறு தனித்துவமான தயாரிப்புகளை கூட்டாக உருவாக்க அனுமதிக்கிறது" என்றார்.